Gjykata e Apelit për Krime të Rënda dha të enjten masën arrest shtëpiak për dy ish deputetët socialis Arben Ndoka dhe Arben Çuko, të arrestuar si pjesë e operacionit kundër krimit të organizuar, të koduar “VOL-VO4”.
Gjykata e Apelit të Krimeve të Rënda Tiranë vendosi të ndryshojë tw enjten masat e sigurisë nga “arrest në burg” në “arrest shtëpiak” për dy ish-deputetët socialistë Arben Ndoka dhe Arben Çuko, të ndaluar në kuadër të operacionit të koduar “VOL-VO4”.
Ndërkohë, mësohet se gjykata ka ndryshuar masën e sigurisë edhe për pesë të ndaluar të tjerë duke lënë përfundimisht në arrest në burg 18 prej 34 të ndaluarve nga 44 që janë të proceduar. Mësohet se të akuzuarit kryesor, vëllezërit Avdylaj kanë mbetur sërisht në qeli.
Më datë 24 tetor 2018, u zhvillua seanca për verifikimin e masës së sigurisë së caktuar ndaj 44 personave në kuadër të operacionit VOL-VO4, të proceduar si anëtarë të një grupi të strukturuar kriminal të shtrirë në gjithë vendin të përfshirë në trafikun e narkotikëve dhe tjetërsimin e pronave. Gjatë asaj seance ishin të pranishëm fizikisht 34 të dyshuarit e arrestuar gjatë operacionit të nisur më 22 tetor dhe u bë vlerësim mase në mungesë për 10 të tjerë.
Ish-Drejtori i Përgjithshëm i Burgjeve dhe njëkohësisht ish-deputeti i Partisë Socialiste Arben Çuko akuzohet për trasferimin të paligjshëm të një të dënuari. Ndërkohë Ndoka së bashku me 12 persona të tjerë të arrestuar dhe katër të shpallur në kërkim, një pjesë anëtarë të familjes së tij, akuzohen për tjetërsim pronash.
Më datë 22 tetor 2018, policia dhe prokuroria njoftuan se bllokimi i një laboratori për prodhimin e heroinës në Has, ku u arrestuan 5 persona dhe u shpallën në kërkim katër të tjerë përfshi dy shtetas turq, ishte i lidhur me goditjen në vijim të një strukture kriminale me qendër në Shijak dhe me anëtarë në të gjithë vendin.
Drejtuesja e Prokurorisë për Krime të Rënda, Donika Prela tha atëherë se hetimet kishin filluar më datë 28 dhjetor 2016, bazuar në aktet e referuar fillimisht nga shërbimet e policisë gjyqësore të Komsiariatit të Policisë së Kavajës, për kryerjen e veprave penale të “prodhimit dhe shitjes së lëndëve narkotike”, “trafikimit të narkotikëve, grupit të strukturuar kriminal” si dhe kryerjes së veprave penale në kuadër të grupit të strukturuar kriminal.
Sipas prokurorisë, pas dy vitesh hetime, ka rezultuar se personat e kryenin aktivitetin e tyre në qytete të ndryshme si në Shijak, Shkodër, Lezhë, Sarandë, Tiranë, Fier, Vlorë. Nga hetimet e kryera në bashkëpunim edhe me agjencitë e tjera ligjzbatuese vendase e të huaja, është konkluduar se, ka të dhëna të mjaftueshme për identifikimin e disa grupeve kriminale që kanë vepruar në territorin e Republikës së Shqipërisë, si edhe në vende të tjera të Bashkimit Evropian, si Gjermani, Angli, Hollandë, Itali, Turqi, etj,