Ish-kryeministri i arratisur maqedonas Nikola Gruevski tha se i është dhënë azil politik nga Hungaria dhe akuzoi qeverinë në Shkup se ka thurur komplot për ta vrarë atë në burg, në rast se ai qëndronte në vend.
Nikola Gruevski tha në një postim të gjatë në Facebook të martën se Hungaria i ka dhënë atij azil politik, duke cituar se atë që ai tha se ishte “persekutim me motive politike nga qeveria e re maqedonase e udhëhequr nga social demokratët”.
Ish-kryeministri maqedonas tha se nëse ai do të shkonte në burg, jeta e tij do të kishte qenë në rrezik pasi kishte dëgjuar për një komplot për ta vrarë atë.
“Unë vendosa të mos plotësoj dëshirën e Social Demokratëve, ndërsa ata plaçkitin dhe shesin vendin dhe interesat e tij kombëtare, që unë të jem i mbyllur në burg bazuar në një vendimi politik dhe të luftoj për mbijetesën time në burg çdo ditë,” – shkroi ai.
Ai tha se në kërkesën e tij për azil prej 30 faqesh, ai kishte shënuar të gjitha aktet e diskriminimit, torturës dhe shkeljeve ligjore në rastet gjyqësore kundër tij, duke këmbëngulur se ato ishin të motivuara politikisht.
“Unë deklarova se qeveria dëshiron të marrë lirinë time duke përdorur hapa dhe metoda jodemokratike dhe duke abuzuar me sistemin e prokurorisë dhe gjyqësorit,” shkroi Gruevski.
Si një nga “shkeljet themelore të ligjeve”, ai vuri në dukje vendimin e gjykatës për të dhënë përdorimin e përgjimeve të paligjshme (të cilat u publikuan në vitin 2015 nga Social Demokratët e atëhershëm në opozitë) si dëshmi gjatë gjyqeve.
Gruevski u shpall fajtor për blerjen e paligjshme të një limuzine luksoze dhe duhet të raportonte për të filluar të vuante dënimin e tij me dy vjet burg më 9 nëntor, por nuk e bëri këtë.
Ai u arratis në Shqipërinë fqinje dhe më pas, me ndihmën e diplomatëve hungarezë, arriti në Budapest dhe kërkoi azil atje.
Gruevski, i cili ishte lideri i vjetër i partisë së djathtë VMRO DPMNE dhe kryeministër nga viti 2016 deri në vitin 2016, kohë gjatë të cilës ai u akuzua gjerësisht për tendencat autoritare dhe korrupsion.
Por në postimin e tij në Facebook, ai këmbënguli se qeveria e udhëhequr nga social demokratët ishte autoritare dhe e korruptuar.
“Sot në Maqedoni njerëzit jetojnë në kushte represioni qeveritar, diskriminimi, persekutimi, arrestimesh politike dhe kontrolli të plotë të qeverisë mbi gjyqësorin dhe prokurorinë,” shkroi ai.
Duke e quajtur kryeministrin maqedonas Zoran Zaev “një frikacak që gënjen dhe vjedh nga populli i tij”, Gruevski këmbënguli në postimin në Facebook se ai nuk u largua nga drejtësia.
Ai tha se “duke përdorur metoda të tjera ligjore të rregulluara ndërkombëtarisht, vazhdoj të kërkoj drejtësi për mua dhe për të gjitha viktimat e tjera të persekutimit politik në Maqedoni”.
Aktualisht janë katër çështje të tjera gjyqësore kundër Gruevskit në Maqedoni, si dhe pesë hetime të tjera në të cilat ai është i dyshuar.
Më herët të martën, ministrja maqedonase e drejtësisë Renata Deskoska tha se një kërkesë për ekstradim kundër Gruevskit ishte tashmë gati dhe Shkupi do ta depozitojë atë pavarësisht nëse autoritetet hungareze i japin apo jo atij azil politik.
