Drejtuesja e Prokurorisë së Beratit, Eloida Goxhi do të përballet të martën me Komisionin e Pavarur të Kualifikimit. Skeda e pasurisë së saj nga viti 2010 deri në fund të vitit 2017.Eloida Goxhi, drejtuese e Prokurorisë së Beratit do të përballet të martën me Komisionin e Pavarur të Kualifikimit. Trupa gjykuese që po kryen procesin e rivlerësimit për Goxhin përbëhet nga Xhensila Pine, Brunilda Bekteshi dhe Suela Zhegu.
Eloida Goxhi ka mbaruar Shkollën e Magjistraturës në vitin 2010 dhe e ka nisur detyrën fillimisht në Prokurorinë e Durrësit. Në vitin 2011 ajo u emërua në Prokurorinë e Beratit, ku vazhdon ta kryejë detyrën tashmë si drejtuese e institucionit.
Analiza e pasurisë është një ndër tre shtyllat e rivlerësimit për prokurorët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të prokurores Eloida Goxhi nga viti 2010 deri në fund të vitit 2017. [Kliko për skedën në PDF]
Ky raport është prodhuar nga BIRN pas administrimit të deklaratave të pasurisë së këtij subjekti nga Inspektoriati i Lartë i Deklarimit dhe Kontrolli të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasurinë e gjyqtarëve dhe prokurorëve që i nënshtrohen procesit të vetingut.
Të dhënat e siguruara nga BIRN tregojnë se prokurorja Goxhi nuk kishte asnjë pasuri në vitin 2010, kur kreu deklarimin e parë në Inspektoriatin e Lartë të Deklarimit dhe Kontrollit të Pasurive. Në fund të vitit 2017, pasuria e saj është 2.3 milionë lekë dhe përbëhet vetëm nga likujditetet bankare.
Të ardhurat për periudhën deklaruese janë në vlerën e 7 milionë lekëve. Rreth 98 për qind e tyre kanë si burim pagën nga funksioni, ndërsa 1.8 për qind janë të ardhura nga interesat bankare.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. BIRN kreu kontrollin aritmetik/logjik për 8 vite të deklarimit dhe asnjëra prej tyre nuk rezulton me probleme.
Deklarata e pasurisë Para Fillimit të Detyrës
Deklarata e pasurisë së vitit 2010
Deklarata e pasurisë së vitit 2011
Deklarata e pasurisë së vitit 2012
Deklarata e pasurisë së vitit 2013
Deklarata e pasurisë së vitit 2014
Deklarata e pasurisë së vitit 2015
Deklarata e pasurisë së vitit 2016
Deklarata e pasurisë së vitit 2017
Për më shumë dokumente vizitoni databazën tonë dokumente.reporter.al
