Pas një takimi me unionin e mësuesve, kryetari i parlamentit Kadri Veseli ka lajmëruar se greva tre javore e mësuesve, të cilët kërkojnë rritje pagash, do të përfundojë të hënën.
Kryetari i parlamentit Kadri Veselit të premten tha se unioni i mësuesve kishte rënë të ndërpresë një grevë tre javore, pasi dëgjoi se pagat e mësuesve do të rriteshin sipas projektligjit për pagat, që parlamenti do të miratojë të shtunën.
Veseli e bëri njoftimin në një konferencë të përbashkët për shtyp me kryeministrin Ramush Haradinaj dhe kryetarin e sindikatës, pa dhënë detaje të mëtejshme rreth rritjes.
“Jam i lumtur që nxënësit e Kosovës që nga e hëna do të kthehen në shkollë. Të gjithë punonjësve të sistemit arsimor u është bërë një rritje në pagat e tyre dhe ne do t’i mbajmë premtimet tona,” tha ai.
“Pagat janë rritur në të gjithë sektorët e tjerë publikë, duke përfshirë policinë, punonjësit e mjekësisë, administratën publike, artistët, asambletë komunale, pensionistët dhe të gjithë punëtorët e tjerë,” shtoi Veseli.
“Nesër (e shtunë) ne do të miratojmë projektligjin mbi pagat, që do të rrisë pagat për më shumë se 70,000 punonjës të sektorit publik,” vazhdoi Veseli.
Kryetari i sindikatës SBASHK, Rrahman Jasharaj, e përshëndeti marrëveshjen dhe konfirmoi se semestri i dytë i vitit shkollor do të fillojë javën e ardhshme. “Marrëveshja është afër asaj që kemi dashur. Semestri i dytë fillon të hënën,” tha Jasharaj.
Siç ka raportuar BIRN, Kosova është prekur nga një valë e përshkallëzuar grevash, të nxitura nga ligji i ri mbi pagat i propozuara nga qeveria dhe që pret të diskutohet në parlament.
Nuk ka ende informacione nëse kirurgët, stafi mjekësor dhe punëtorët komunal do të vazhdojnë apo jo grevat e tyre.
Sistemi aktual i pagave të sektorit publik konsiderohet gjerësisht i fragmentuar, i paqëndrueshëm dhe jokoherent.
Pagat aktuale rregullohen nga ligje të ndryshme dhe kryesisht nga rregulloret nënligjore dhe baza e tyre ligjore në shumicën e rasteve është e diskutueshme, vuri në dukje qeveria në projektligjin e propozuar.
Projektligji i ri është hartuar të trajtojë problemin e mungesës së homogjenitetit në listën e pagesave në sistemin publik.
Unioni i mësuesve më herët hodhi poshtë një ofertë për një ngritje prej 10 për qind nga kryeministri Haradinaj.