Anëtarët e Këshillit të Lartë të Prokurorisë miratuan të martën hapjen e garës për Prokurorin e Përgjithshëm dhe rregulloren për zgjedhjen e tij dhe gjithashtu një rregullore për emërimet në SPAK.
Këshilli i Lartë i Prokurorisë (KLP) miratoi të hënën dy rregullore që do shërbejnë për të listuar kandidatët për Prokuror të Përgjithshëm dhe ata që kanë garuar tashmë për një vend në Strukturën e Posaçme Antikorrupsion (SPAK).
Sipas zyrës së medias pranë KLP, e cila i zhvillon mbledhjet të mbyllura, Këshilli votoi unanimisht për të dy rrogulloret dhe po ashtu edhe për shpalljen hapur të garës për Prokuror të Përgjithshëm. “Rregullorja (për emërimet në SPAK) garanton 6 javëë për shyrtimin e dosjeve të kandidatëve”, njoftoi KLP.
KLP po ashtu përfshiu në rregulore intervista me kandidatët e kualifikuar dhe faktin që misionet e asistencës ndërkombëtare do të monitorojnë proceset e intervistave të kandidatëve për SPAK.
Njëkohësisht KLP miratoi edhe një rregullore për të zgjedhur Prokurorin e Përgjithshëm. “Rregullorja parashikon 4 kriteret kryesore për vlerësimin e kandidatëve për PP: kriteri profesional, kriteri moral dhe të integritetit, vleresimi organizativ dhe drejtues dhe elementë shtesë për vlerësim (përvojë në jetën akademike, tituj shkencorë)”, thuhet në njoftim.
Pozicioni i Prokurorit të Përgjithshëm mbahet nga Arta Marku prej dhjetorit 2017, kur ajo u zgjodh mes kundërshtimeve të opozitës si Prokurore e Përgjithshme e Përkohshme falë një aneksi kushtetues që kishte parashikuar ngërçin dhe vonesën në zgjedhje e Këshillit të Lartë të Prokurorisë.