Gjykata e Lezhës la me masë sigurie arrest në burg një 23-vjeçar i cili u kap me 3 mina me telekomandë. E motra e cila u arrestua bashkë me të u la me masë sigurie “arrest shtëpie”, ndërsa është në kërkim bashkëshorti i saj.
Vëlla e motër që u arrestuan ndërsa transportonin nga Vlora në Lezhë tre mina me telekomandë dolën të premten para gjykatës së Lezhës për vlerësim të masës së sigurisë. Gjykata vendosi masë sigurie arrest me burg për Armand Lukanin, ndërsa ndaj motres së tij Amelda Elezi, për shkak të shtatzanisë u vendos masa e sigurisë “arrest shtëpie”.
Motër e vëlla u arrestuan të martën nga policia me tre mina me telekomandë dhe me një sasi lënde narkotike, ndërsa në kërkim është edhe bashkëshorti i 21-vjeçares Esmerald Elezi.
Në bazë të provave të paraqitura nga prokuroria, gjykata e vlersoi të ligjshëm arrestimin e dy të rinjve, ndërsa mësohet se ata nuk ka folur në seancën gjyqësore për vlersimin e masës së sigurisë.
Vetëm para momentit të hyrjes në gjykatë vëlla e motër u panë të qanin, ndërsa u përplasën me babain e tyre i cili qëndronte jashtë ambjenteve të gjykatës. Të arrestuarit u mbrojtën nga një avokat kryesisht.
Në një prononcim për mediat babai i tyre Elmi Lukani, tha se ata jetonin në kushte të vëshira ekonomike në një fshat të Elbasanit. Ai pretendoi se ata ishin në punë në Vlorë dhe se merreshin me bujqësi e bimë medicinale dhe se nuk kishin mundësi të paguanin avokat.
Ngë hetimet e prokurorisë rezulton se se dy të arrestuarit ishin vetëm transportues të minave nga Vlora në qytetin e Lezhës. Për këtë prokuroria pretendon se ata ishin paguar nga 1 mijë euro secili. Ndërkohë as personi që u ka dhënë atyre minat dhe as personi që i priste ato në Lezhë nuk janë ndaluar nga policia.