Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
Reporter.al
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Page Positions Artikull kryesor Lajme

Policia pengon gazetaren në raportimin e lajmit nga Bregu i Lumit

Ivana DervishiNgaIvana Dervishi
16:28 | 10/04/2019
Në Artikull kryesor Lajme, Lajme, Media Watch, Në Fokus
Kohe leximi: 3 minuta
A A
0
Policia pengon gazetaren në raportimin e lajmit nga Bregu i Lumit

Policë të bashkisë Tiranë duke bllokuar pamjen e kameras në Tiranë më 9 prill 2019. Foto: Malton Dibra/LSA

Share on FacebookShare on Twitter

Një gazetare që po raportonte nga vendngjarja e dëbimeve të Bregut të Lumit të martën i tha BIRN se u kërcënua me shoqërim në komisariat nga policia nëse këmbëngulte të raportonte lajmin pavarësisht se gjendej 500 metra larg nga protesta e banorëve.

Policë të bashkisë Tiranë duke bllokuar pamjen e kameras në Tiranë më 9 prill 2019. Foto: Malton Dibra/LSA

Gazetarja e News24, Dorjana Bezat u përball të martën me presion nga policia bashkiake dhe ajo e shtetit për të mos raportuar nga vendngjarja e protestave të Bregut të Lumit. Policët bashkiakë shfaqen në një video duke bllokuar kamerën e operatorit të televizionit informativ, pavarësisht se ndodheshin rreth 500 metra nga vendngjarja.

Bezat i tha BIRN se policia kishte bllokuar të gjithë perimetrin e zonës, duke mos lejuar raportimin nga afër të protestës së banorëve që po përballeshin me forcat e rendit dhe makineritë e rënda të martën në mëngjes. Të hasur përballë kësaj pengese, shumica e gazetarëve të televizioneve kishin gjetur oborrin e një lokali si vendin e vetëm ku policia nuk mund t’i ndalonte raportimin e ngjarjes.

Një foto e kapur nga fotografi Malton Dibra tregon dy policë duke i bllokuar kameras pamjen nga shembjet ndërsa gazetarja proteston.

Ndërsa përpiqej të raportonte drejtpërdrejt nga një hapësirë aty pranë e bulevardit përgjatë Bregut të Lumit, Bezat tha se policët bashkiakë dhe më pas ata të shtetit i thanë se kishin urdhra të mos lejonin gazetarët të transmetonin nga aty.

“Pas disa këmbënguljeve të mia, erdhi policia e shtetit dhe më tha se nëse do të vazhdoja të bëja rezistencë do të më shoqëronin në komisariat,” tha gazetarja për BIRN, duke sqaruar se pozicioni që ajo kishte zgjedhur nuk pengonte punimet dhe as nuk cënonte ‘skenën e krimit’ të policisë.

“Pranë meje kishte civilë që më xhironin gjithashtu,” shtoi ajo.

Prej të hënës paradite, forca të shumëta policore u përleshën me banorët e shtëpive të ndodhura përgjatë hapësirës së projektuar për zgjatimin e Bulevardit të Ri pranë Bregut të Lumit. Duke kërkuar dëmshpërblim për shtëpitë e tyre, banorët rezistuan me forcë ditën e parë ndaj shembjes së shtëpive, por të martën policia rrethoi zonën dhe përdori gazlotsjellës ndaj banorëve për t’i dëbuar ata nga shtëpitë. Shtatë banesat e para u shembën po atë ditë.

Sipas gazetares Dorjana Bezat, rastet e censurimit të gazetarëve janë shtuar ndjeshëm vitet e fundit.

“Nuk është hera e parë që ndodh një gjë e tillë. Ka edhe shumë të tjera, sidomos në vitin e fundit, kur media është parë si kundërshtare dhe jo bashkëpunëtore nga autoritetet,” shpjegoi ajo.

“Ne gazetarët e terrenit jemi në presion të vazhdueshëm psikologjik për të mos raportuar,” përfundoi gazetarja.

Përgjatë viteve të fundit, qeveria shqiptare është kritikuar gjerësisht për praktikat e ndjekura në zhvendosjen e banorëve për t’i hapur rrugë projekteve zhvillimore të kryeqytetit. Raportet e Komisionit Europian kanë vërejtur se në shumë raste të drejtat e personave të prekur nga këto projekte janë shkelur dhe procedurat nuk janë respektuar.

Raporti i Freedom House për vitin 2018 e renditi Shqipërinë si vend pjesërisht të lirë lidhur me lirinë e medias. Raporti i përvitshëm theksoi se liria e medias po përballet me sfida të mëdha në shkallë globale, e kërcënuar nga autoritarizmi, ndërsa e cilësoi sulmin ndaj saj si sulm ndaj demokracisë.

Etiketa: Liria e MediasMedia
Tjetri
Shqipëria tronditet nga thyerja esktreme e sigurisë në aeroportin e Rinasit

Qeveria dhe koncesionari i Rinasit përplasen për sigurinë

Më të lexuarat

Policia pengon gazetaren në raportimin e lajmit nga Bregu i Lumit

Policia pengon gazetaren në raportimin e lajmit nga Bregu i Lumit

16:28 | 10/04/2019
Akuza dhe tension në KLP për zgjedhjen e kreut të Prokurorisë së Tiranës

Akuza dhe tension në KLP për zgjedhjen e kreut të Prokurorisë së Tiranës

19:40 | 26/05/2022
Marinela Osmani

Komisioneri Publik kërkon lënien në fuqi të konfirmimit të Marinela Osmanit

16:40 | 24/05/2022
KPK riçel hetimin për prokurorin Bledar Bejko

Prokurori Bledar Bejko jep shpjegime për transaksionet bankare të familjarëve

12:11 | 24/05/2022
KPK konfirmon në detyrë Erjon Shehajn dhe transferon për inspektim dy çështje penale

Vendimi i KPK: Erjon Shehaj e përmbysi barrën e provës për pasurinë

19:01 | 25/05/2022
Paqartësi në kërkimet e Komisionerit, KPA shtyn procesin për Rilinda Selimin

‘Para konfirmimit zgjedh familjen’, gjyqtarja Rilinda Selimi mbrohet në KPA

21:11 | 19/05/2022
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.