Pasi një grupi prej 110 personash u riatdhesuan nga Siria të premten e kaluar, një gjykatë e Kosovës ka vendosur në arrest shtëpie dhjetë gra në pritje të një gjyqi të mundshëm, ndërsa të tjerët priten të dalin para gjykatës këtë javë.
Një gjykatë e Kosovës të martën la 10 gra të riatdhesuara nga Siria në një muaj arrest shtëpie, duke thënë se dyshonte se ato kishin kryer krimin e bashkimit me një forcë ushtarake ose policore të huaj. Nëse ato shpallen fajtore, rrezikojnë deri në 15 vjet burg.
Gjykata në Prishtinë tha se kishte dyshime të bazuara që të pandehurat kishin qenë në zonën e konfliktit Siri-Irak nga viti 2014 deri më 20 prill të këtij viti, kur u kthyen.
Një total prej 110 qytetarësh të Kosovës u riatdhesuan nga Siria të premten e kaluar, prej të cilëve 74 ishin fëmijë, 32 ishin gra dhe katër ishin burra. Nëntë fëmijë u kthyen pa prindër sepse ata u vranë në luftimet në Lindjen e Mesme.
Prokurori Special Syle Hoxha tha për BIRN se të 32 nga gratë e rikthyera ishin nën hetim nga zyra e prokurorit special.
“Hetimi filloi pak kohë më parë, por u ndërpre, sepse personat nuk ishin në territorin e Kosovës, gjë që e vështirësoi vazhdimin e hetimit,” tha Hoxha për BIRN.
Dhjetë nga gratë u morën në pyetje të martën në gjykatë. Pjesa tjetër do të merren në pyetje të mërkurën dhe gjatë ditëve në vijim.
“Gjykata vendosi t’i lërë në arrest shtëpie të gjitha gratë, duke marrë parasysh se të gjitha ato kanë familje dhe fëmijë për t’u kujdesur. Të gjitha gratë tashmë jetojnë në shtëpitë e të afërmve,” tha avokatja Fehmije Gashi Bytyci, e cila përfaqëson një nga gratë.
Të burrat e kthyer, Arijanit Kryeziu, Visar Qukovci, Agon Misini, plus një i mitur me emrin R.T. u ndaluan menjëherë nga policia pasi mbërritën në Kosovë dhe u dërguan në burgun e sigurisë së lartë në Dyz, gjithashtu për një muaj.
Arijanit, nga Ferizaj, dyshohet se ka marrë pjesë në aktivitete terroriste në Siri. Ka pasur një urdhër ndërkombëtar për arrestimin e tij që nga viti 2018.
Kërkesa e paraqitur nga prokurori për t’i ndaluar ata, të cilën BIRN e ka parë, thotë se Policia e Kosovës mori prova nga FBI-ja në SHBA në momentin që grupi u kthye në Kosovë.
Që nga viti 2014, prokuroria e Kosovës ka ngritur aktakuza kundër 119 shtetasve të Kosovës për akuza që kanë lidhje me terrorizmin, ndërsa 156 të tjerë janë nën hetim, tha kryeprokurori Aleksander Lumezi të shtunën për mediat.
Të paktën 400 qytetarë të Kosovës, kryesisht myslimane, përfunduan në zonat e konfliktit në Siri dhe Irak, ku shteti islam, ISIL, po përpiqej të krijonte një Kalifat Islamik. Rreth 80 prej tyre vdiqën atje, siç ka raportuar BIRN. Që nga rënia e të ashtuquajturit kalifat, autoritetet siriane po përpiqen të riatdhesojnë luftëtarët e huaj të kapur në vendet e tyre.
