Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Page Positions Artikull kryesor !

PD nxjerr dokumentin e tretë: Kryebashkiaku i Vaut të Dejës i arrestuar në Siçili

Aleksandra BogdaniNgaAleksandra Bogdani
18:00 | 16/09/2019
Në Artikull kryesor !, Lajme, Në Fokus
Kohe leximi: 3 minuta
A A
0
PD nxjerr dokumentin e tretë: Kryebashkiaku i Vaut të Dejës i arrestuar në Siçili

Kryetari i Bashkisë së Vaut të Dejës, Mark Babani pas marrjes së mandatit. Foto: Facebook.

Share on FacebookShare on Twitter

Sipas Partisë Demokratike, kryebashkiaku Mark Babani është arrestuar në prill 1994 nën emrin e rremë Marq Babaj në Itali për vjedhje makinash në rrethana rënduese, por Babani mohon çdo lidhje me emrin Marq Babaj dhe paralajmëron kallëzim penal për shpifje në Prokurori.

Kryetari i Bashkisë së Vaut të Dejës, Mark Babani pas marrjes së mandatit. Foto: Facebook.

Për herë të tretë brenda një muaji, Partia Demokratike publikoi dokumente të autoriteteve italiane, sipas së cilës tregojnë se edhe kryetari i Bashkisë së Vaut të Dejës, Mark Babani ka një të shkuar kriminale në Itali.

“Mark Babani, me emrin e rremë Marq Babaj është arrestuar me datë 4 prill 1994 në Itali, në zonën e Siçilisë për kryerjen e veprës penale ‘vjedhje në rrethana rënduese, e kryer në bashkëpunim’,” tha sekretari i Përgjithshëm i PD-së, Gazmend Bardhi, duke e prezantuar dokumentin si të nxjerrë nga sistemi italian i Burgjeve.

“Mark Babani alias Marq Babaj ka qëndruar në burg deri më datën 6 Maj 1994 dhe më pas është dënuar dhe dëbuar nga shteti Italian,” shtoi Bardhi.

Dokumenti i publikuar nga Bardhi tregon se shtetasi Marq Saimir Babaj i datëlindjes 11 qershor 1967 është arrestuar më 4 prill 1994 në Agrigento të Siçilisë për vjedhje në rrethana rënduese të automjeteve.  Sipas Bardhit, Marq Saimir Babaj është emri i rremë i përdorur nga kryebashkiaku aktual të Vaut të Dejës, Mark Babani, ndaj të cilit kërkoi ndjekje penale për falsifikimin e formularit të dekriminalizimit.

Ligji i dekriminalizimit ndalon nga kandidimi personat ndaj të cilëve është marrë një masë arresti, dënimi apo dëbimi nga një prej vendeve të Bashkimit Europian. Në formularin e dekriminalizimit të dorëzuar në Komisionin Qendror të Zgjedhjeve para kandidimit, Mark Babani ka deklaruar mbajtjen më parë të mbiemrit Babaj si dhe emigrimin në Itali në vitet 1991-1995, por ai u është përgjigjur negativisht pyetjeve nëse ka qenë i arrestuar, dënuar apo dëbuar nga ndonjë vend i Bashkimit Europian.

I pyetur nga BIRN mbi të shkuarën e tij në Itali, kryebashkiaku Babani mohoi çdo lidhje me emrin Marq Babaj dhe tha se do të bënte kallëzim penal për shpifje ndaj sekretarit të Përgjithshëm të PD-së, Gazmend Bardhi. Babani mohoi gjithashtu të ishte kontaktuar deri më tani nga Prokuroria në lidhje me këtë çështje.

“Asgjë s’ka lidhje me mua, me emrin tim apo me jetën time,” tha Babani, duke hedhur poshtë akuzat se ka përdorur emrin e rremë Marq Babaj në Itali. “Unë kam pasur soxhorno [leje qëndrimi] me emrin tim nga viti 1991-2003 në Itali dhe do të bëj denoncim penal për shpifje ndaj Gazmend Bardhit,” shtoi ai.

Kryebashkiaku i Vaut të Dejës është i zgjedhuri i tretë i Partisë Socialiste që akuzohet nga Partia Demokratike për falsifikimin e të shkuarës kriminale, si pjesë e betejës së saj të gjatë kundër lidhjeve të krimit me politikën. Valdin Pjetri, kandidati i PS-së për Bashkinë e Shkodrës u detyrua të tërhiqej nga marrja e mandatit pas publikimit të një dënimi me 18 muaj burg për shpërndarje droge në Firence të Italisë.

Ndryshe nga Pjetri, kryebashkiaku i Vorës, Agim Kajmaku, i akuzuar nga PD se ishte ende në kërkim nga autoritetet greke për veprën penale të falsifikimit të kartmonedhave u ka rezistuar akuzave dhe është në pritje të verifikimeve të Prokurorisë së Përgjithshme.

Prokuroria e Përgjithshme ka deklaruar përmes njoftimeve për shtyp se nuk ka ende vendime për Valdrin Pjetrin dhe Agim Kajmakun, pasi nuk ka marrë ende përgjigje nga autoritetet e drejtësisë italiane dhe greke. Rasteve të mësipërme u është shtuar edhe emri i Mark Babanit, për të cilin Prokuroria tha të hënën se ka nisur verifikimet.

Tjetri
Investimet rrisin shpresat për rilindjen e turizmit në liqenin e Shkodrës

Investimet rrisin shpresat për rilindjen e turizmit në liqenin e Shkodrës

Më të lexuarat

Shqetësime mbi transparencën e biznesit në Ballkan të Tony dhe Cherie Blair

Shqetësime mbi transparencën e biznesit në Ballkan të Tony dhe Cherie Blair

11:10 | 30/01/2023
PD nxjerr dokumentin e tretë: Kryebashkiaku i Vaut të Dejës i arrestuar në Siçili

PD nxjerr dokumentin e tretë: Kryebashkiaku i Vaut të Dejës i arrestuar në Siçili

18:00 | 16/09/2019
“Mungesë veprimi”: Ballkani Perëndimor kërcënohet nga ndryshimet klimatike

“Mungesë veprimi”: Ballkani Perëndimor kërcënohet nga ndryshimet klimatike

17:38 | 31/01/2023
KPK konfirmon në detyrë gjyqtaren Antonela Prendi

KPK konfirmon në detyrë gjyqtaren Antonela Prendi

11:57 | 27/01/2023
Suela Beluli kundërshton dyshimet e Komisionit për kontakt të papërshtatshëm

Suela Beluli kundërshton dyshimet e Komisionit për kontakt të papërshtatshëm

16:24 | 30/01/2023
Aventura shqiptare e kryeagjentit të FBI

Aventura shqiptare e kryeagjentit të FBI

15:12 | 27/01/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.