Inspektori i Lartë i Drejtësisë, ILD, njoftoi të enjten më 23 prill fillimin e procedurës së përzgjedhëse të kandidatëve jomagjistratë që kanë shprehur interes për pozicionin e inspektorit, pranë kësaj zyre.
Në njoftimin e ILD thuhet se, për vijimin e kryerjes së procedurave dhe veprimeve ligjore të përzgjedhjes, secili prej 30 kandidatëve jomagjistratë që kanë aplikuar ka detyrimin për t`u paraqitur pranë kësaj zyrre jo më vonë se 10 ditë nga njoftimi i tij në mënyrë individuale.
Kandidatët jomagjistratë konkurrojnë mes tyre për 6 pozicione si inspektor pranë ILD-së. Ata duhet të kenë përvojë pune mbi 15 vjet si juristë. Po aq pozicione janë edhe për kandidatët magjistratë, prokurorë dhe gjyqtarë. Ndërkohë, 5 vende vakante janë shpallur edhe për pozicionin ndihmës inspektor.
Më 20 janar, bazuar në propozimin e Këshillit të Emërimeve në Drejtësi, KED zgjodhi si Inspektor të ILD-së me 93 vota pro, ish-avokatin e shtetit – njëkjohësisht vëllain e deputetes socialiste Eglantina Gjermeni, Artur Metanin.
Nga posti i kryeinspektorit z. Metani ka autoritetin të hetojë të gjitha shkeljet administrative në të gjithë infrastrukturën e re të sistemit të drejtësisë, përfshirë gjyqtarët, prokurorët dhe anëtarët e KLP-së dhe KLGJ-së.
Lista e kandidatëve jomagjistratë :
- Sonila Bejtja
- Kaltër Serreqi
- Lindita Troja
- Sabina Meta
- Genti Plaku
- Dritan Lena
- Saimir Hoxha
- Rozeta Ivanova
- Alma Tafani
- Besnik Maho
- Fjona Zaçaj (Zenelaj)
- Ariana Gaçi
- Sofia Zhilla
- Lindita Rexho
- Albert Kazia
- Joana Asimi
- Ardita Alsula
- Artan Ballabani
- Denis Martupolla
- Petrit Kaja
- Aleksandër Toma
- Joana Kushe
- Ardit Çela
- Indrit Shtupi
- Hajdar Noka
- Gentian Mete
- Etleva Nozlli
- Florjan Beqaraj
- Fatmir Hoxhaj
- Andi Muratej
