Organizata Terres des homes tha se në një sondazh të saj me rreth 779 persona në tetë qytete të pyeturit ishin të shqetësuar për ekonoiminë dhe 94 përqind e tyre ishin të shqetësuar për edukimin e fëmijëve. Organizata rekomandon shkollë verore për fëmijët që nuk kanë ndjekur dot mësimet online.
Një sondazh i organizatës Terres des homës në familjet në nevojë në 8 qytetet të vendit tregon se shumica dërrmues e tyre janë të shqetësuar për të ardhmen ekonomike, ndërsa shumica e 418 fëmijëve të pyetutr kishin mund të ndjekin mësimin vetëm në mënyrë sporadike dhe 16 për qind nuk kishin mundësi për të ndjekur mësimin online.
Të pyeturit nga Tirana, Durrësi, Elbasani, Korça, Fieri, Shkodra, Kukësi dhe Lezha, shumica e të cilëve nën 25 vjecc, kanë shprehur shqetësim për gjendjen ekonomike dhe frikë se situata e jashtëzakonshme mund të zgjatej.
Shumica dërrmuese 80 për qind ishin të papunë, ndërsa 22 për qind e të pyeturve thanë se kishin humbur punën për shkak të pandemisë.
“Realitetet e reja të krijuara nga pandemia COVID-19, tregojnë se 4 nga 5 persona të pyetur (80%) janë të papunë dhe se 22% prej tyre e kanë humbur punën për shkak të pandemisë. Vetëm 2 nga 10 të anketuar deklarojnë se vazhdojnë të kenë të ardhura të rregullta mujore”, thuhet në njoftimin e Terres des homes.
Shumica dërrmuese e të pyeturve, 96 për qind, treguan se problemet ekonomike dhe pamundësia për të siguruar ushqime ishin pasuar me “sfida psikologjike për 96% të personave të pyetur”.
Organizata sugjeron hartimin e një strategjie për të minimimizuatr dëmet në shëndetin mendor “të personave vulnerabël dhe të menaxhimit me rigorozitet të efekteve afatgjata që pritet të vijnë më pas”.
Ngjashmërisht organizata rekomandon që aplikimet pranë Fondit Social për Bashkitë të fokusohen “tek ndërhyrjet për rimëkëmbjen nga pasojat e pandemisë me fokus të veçantë grupet vulnerabël”.
Po ashtu rekomandohet ofrimi “i mbështetjes pas-shkollore dhe progameve të shkollave verore nga ana e Ministrisë së Arsimit, Rinisë dhe Sportit, për të rikuperuar mësimpet për fëmijët dhe të rinjtë që kanë pasur vështirësi në ndjekjen e procesit mësimor online”.