Bisedimet Kosovë-Serbi do të rinisin me një takim virtual të organizuar nga Franca dhe Gjermania më 10 korrik, pasuar nga një takim midis kryeministrit të Kosovës Avdullah Hoti dhe presidentit serb Aleksandër Vuçiçmë 12 korrik në Bruksel.
Dialogu i lehtësuar nga BE-ja Kosovë-Serbi do të rifillojë në korrik me një samit virtual, të organizuar nga Franca dhe Gjermania, dhe një takim midis kryeministrit të Kosovës Avdullah Hoti dhe presidentit serb Aleksandër Vuçiç në Bruksel.
Zëdhënësi i BE-së Peter Stano konfirmoi vizitën e Hotit dhe Vuçiçit në Bruksel më 12 korrik si një rifillim të dialogut të ngecur midis Serbisë dhe ish-provincës së saj, e cila shpalli pavarësinë e saj në vitin 2008, njoftoi të hënën Radio Europa e Lirë.
“Samiti do të organizohet nga Përfaqësuesi i Lartë i BE-së Josep Borrell në prani të të dërguarit special për dialog Miroslav Lajcak”, tha Radio Europa e Lirë, duke shtuar se takimi do të shënojë rinisjen e dialogut për normalizimin e marrëdhënieve midis Kosovës dhe Serbisë gjatë të cilit do të diskutohen “të gjitha çështjet e hapura”.
Sipas RFE, zyra e presidentit francez Emmanuel Macron ka konfirmuar se, përpara takimit në Bruksel, Franca dhe Gjermania do të zhvillojnë një samit virtual më 10 korrik, që synon lehtësimin e tensioneve midis dy vendeve, të ndërmjetësuar nga Macron dhe kancelarja gjermane Angela Merkel. BE-ja do të përfaqësohet nga Borrell në këtë takim.
Ambasada franceze në Kosovë më 25 qershor postoi në Tëitter se Franca dhe Gjermania prisnin që dialogu të rifillonte së shpejti dhe se “kancelarja gjermane Merkel dhe presidenti francez Macron mbeten të gatshëm të organizojnë një samit në Paris”. Për shkak të pandemisë COVID-19, samiti tani do të mbahet virtualisht.
Për shkak të akuzave të ngritura ndaj Thaçit nga Zyra e Prokurorit të Specializuar, zyrtarët e BE-së kanë njoftuar se nuk e konsiderojnë atë më partner në dialog.
Dialogu i ndërmjetësuar nga BE-ja filloi në 2011. Ai u pezullua në nëntor 2018 pasi Kosova vendosi një tarifë 100 për qind për importet nga Serbia dhe Bosnja.
