Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Rajoni

Vuçiç: Serbia “e gatshme të ndihmojë në gjetjen e të zhdukurve të Kosovës”

Milica StojanovicNgaMilica Stojanovic
12:08 | 17/07/2020
Në Rajoni
Kohe leximi: 3 minuta
A A
0
Vuçiç: Serbia “e gatshme të ndihmojë në gjetjen e të zhdukurve të Kosovës”

Delegacioni serb në Bruksel me përfaqësuesin special të BE-së Miroslav Lajcak (majtas), delegacioni i Kosovës (djathtas) dhe shefi i politikës së jashtme Josep Borell (centre). Foto: Instagram/buducnostsrbijeav.

Share on FacebookShare on Twitter

Pas takimit me kryeministrin e Kosovës, Avdullah Hoti, në Bruksel, presidenti serb Aleksandër Vuçiç tha se Beogradi është i gatshëm të ndihmojë në gjetjen e personave të zhdukur gjatë kohës së luftës dhe të varreve të dyshuara të shqiptarëve të Kosovës.

Delegacioni serb në Bruksel me përfaqësuesin special të BE-së Miroslav Lajcak (majtas), delegacioni i Kosovës (djathtas) dhe shefi i politikës së jashtme Josep Borell (centre). Foto: Instagram/buducnostsrbijeav.

Presidenti serb Aleksandër Vuçiç tha të enjten në mbrëmje se Beogradi është i gatshëm të ofrojë ndihmë për Prishtinën në gjetjen e personave që vazhdojnë të renditen ende si të zhdukur nga lufta 1998-1999, por dëshiron që autoritetet e Kosovës të përgjigjen duke ndihmuar në gjetjen e serbëve të humbur.

Vuçiç e diskutoi këtë temë pasi çështja e personave të zhdukur gjatë kohës së luftës u diskutua në bisedimet me kryeministrin e Kosovës Avdullah Hoti në Bruksel, me ndërmjetësimin e BE-së.

Bisedimet shënuan rifillimin e dialogut midis Serbisë dhe Kosovës pas një hendeku prej 20 muajsh të shkaktuar nga një seri mosmarrëveshjesh midis dy vendeve.

Vuçiç tha për mediat se në takimin me Hotin, “ne thamë se Serbia kurrë nuk do të mbrojë askënd përgjegjës për krimet e luftës dhe se për shkak të familjeve që kanë humbur të dashurit e tyre, është e rëndësishme të gjenden vendet ku ata janë varrosur”.

“Ne thamë gjithashtu se jemi të gatshëm t’i përgjigjemi çdo kërkese të shqiptarëve, se kudo ku ata mendojnë se mund të tregojnë në hartë një vend ku ata mendojnë se mund të ketë ndonjë varr të ndonjë shqiptari, dhe se ne jemi të gatshëm të shohim bashkë me ata dhe me europianët nëse në atë vend ka apo jo diçka”, tha Vuçiç.

“Por ne kemi kërkuar të njëjtën të drejtë për ne, sepse, deri më tani, nuk kemi pasur qasje në Llapushnik, Dojnicë, Gjakovë, në liqenin Radoniqit, Koshare, Istog dhe vende të tjera në Kosovë”, shtoi ai.

Bisedimet për çështjen e personave të zhdukur ku janë të përfshirë ekspertë nga Serbia dhe Kosova do të vazhdojnë të mërkurën e ardhshme.

Vuçiç tha gjithashtu se “shqiptarët kërkuan që të hapen të gjitha arkivat ushtarake dhe policore, dhe ne thamë se nuk ka asnjë problem. Por edhe ju do të duhet të hapni arkivat e të ashtuquajturës UÇK (Ushtria Çlirimtare e Kosovës)”.

Hoti tha pas takimit se bisedimet me Vuçiçin përfshinë gjithashtu çështje ekonomike siç janë kompensimi i dëmeve të shkaktuara gjatë luftës 1998-1999 dhe çështja e pronësisë së asaj që ishte pronë shtetërore në Jugosllavi.

Me kërkesën tonë, dy temat e takimit të parë ishin personat e pagjetur dhe çështjet ekonomike. Për ne tek ekonomia përfshihen edhe kompensimi i dëmeve të luftës, suksesioni, borxhi shtetërorë, pensionet, kursimet në banka, pagat e humbura të punëtorëve të larguara nga puna, dëmtimet e pronës private dhe çështje të tjera që do të vazhdojnë të diskutohen në takimet e ardhshme”, shkroi Hoti në Facebook.

Megjithatë, Vuçiç tha se nuk pranoi të diskutonte temën e dëmshpërblimeve, duke thënë “nuk kishte kuptim të flitej për këtë”.

Dialogu midis Kosovës dhe Serbisë ngeci rreth 20 muaj më parë pasi Kosova vendosi tarifa 100 për qind për importet nga Serbia në shenjë hakmarrjeje për fushatën e Beogradit për të parandaluar pranimin e Prishtinës në organizatat ndërkombëtare dhe për t’i bindur vendet të ndryshojnë vendimet e tyre për të njohur pavarësinë e Kosovës.

Vuçiç dhe presidenti i Kosovës, Hashim Thaçi, duhet të takoheshin në Shtëpinë e Bardhë në Uashington muajin e kaluar, por kjo u anulua pasi prokurorët në Hagë njoftuan se ata kanë hartuar një aktakuzë që akuzonte Thaçin për krime lufte dhe krime kundër njerëzimit.

Etiketa: Avdullah HotiBEBrukseldialogHashim ThaçiKosovë-SerbiLajcakvuçiç
Tjetri
Një aleancë politike progresiste për Europën

Banka Qendrore Europiane ofron 400 milionë euro kredi REPO për Shqipërinë

Më të lexuarat

Vuçiç: Serbia “e gatshme të ndihmojë në gjetjen e të zhdukurve të Kosovës”

Vuçiç: Serbia “e gatshme të ndihmojë në gjetjen e të zhdukurve të Kosovës”

12:08 | 17/07/2020
Shqetësime mbi transparencën e biznesit në Ballkan të Tony dhe Cherie Blair

Shqetësime mbi transparencën e biznesit në Ballkan të Tony dhe Cherie Blair

11:10 | 30/01/2023
“Mungesë veprimi”: Ballkani Perëndimor kërcënohet nga ndryshimet klimatike

“Mungesë veprimi”: Ballkani Perëndimor kërcënohet nga ndryshimet klimatike

17:38 | 31/01/2023
Gjyqtarja Antonela Prendi jep shpjegime për burimet e pasurisë

Gjyqtarja Antonela Prendi jep shpjegime për burimet e pasurisë

17:24 | 26/01/2023
KPK konfirmon në detyrë gjyqtaren Antonela Prendi

KPK konfirmon në detyrë gjyqtaren Antonela Prendi

11:57 | 27/01/2023
Suela Beluli kundërshton dyshimet e Komisionit për kontakt të papërshtatshëm

Suela Beluli kundërshton dyshimet e Komisionit për kontakt të papërshtatshëm

16:24 | 30/01/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.