Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Lajme

Arrestohet i dyshuari si përfaqësues i “Ndrangheta”-s në Shqipëri

Edmond HoxhajNgaEdmond Hoxhaj
11:33 | 24/07/2020
Në Lajme, Vendi
Kohe leximi: 2 minuta
A A
0
Arrest me burg për të dyshuarit për pengmarrje dhe vrasje në Kompleksin Golden

Policia e Shtetit e pozicionuar pranë kompleksit Golden në fshatin Pjezë të Shijakut më 31 Janar 2020. Foto: Malton Dibra/LSA

Share on FacebookShare on Twitter

Policia e Shtetit arrestoi Bujar Sejdinajn gjatë një operacioni ndërkombëtar të shtrirë edhe në Itali, Argjentinë dhe Costa Rica për akuza që lidhen me trafikun ndërkombëtar të lëndëve narkotike.

Policia e Shtetit e pozicionuar pranë një kompleksi në Shijak më 31 Janar 2020. Foto arkivë: Malton Dibra/LSA

Një operacion i zhvilluar paralelisht në Shqipëri, Itali, Argjentinë dhe Costa Rica u finalizua të premten me arrestimin e 6 personave të dyshuar si pjesë e organizatës mafioze “Ndrangheta” në trafikun ndërkombëtar të lëndëve narkotike.

Sipas njoftimit zyrtar të policisë, në pranga përfundoi edhe Bujar Sejdinaj me vendbanim në Tiranë, i cili akuzohet se është përfaqësues i “Ndrangheta”-s në Shqipëri dhe në Ballkan.

“…U kap dhe u arrestua me qëllim ekstradimi shtetasi B. S., i quajtur ‘Xhaxhai’, përfaqësuesi i Ndrangheta-s në Shqipëri dhe në zonën e Ballkanit dhe në veçanti përfaqësuesi i familjes mafioze “Bellocco”. Shtetasi B. S. ka marrë pjesë në blerjen e rreth 20 kg kokainë në Spanjë,” deklaroi Policia.

Si i dyshuar për përfshirje në këtë organizatë kriminale është ndaluar më 26 maj 2020 edhe Ardian Cekini, banues në Elbasan.

Në të njëjtën kohë në Argjentinë janë arrestuar tre persona; një korrier me inicialet F.S dhe njeri i besuar i Ndrangheta-s, i cili akuzohet se bënte lidhjen mes Amerikës së Jugut dhe Kalabrisë që kryente transportin e dokumenteve sekrete; G. P., lindur në Romë e banues në Buenos Aires i dyshuar se kryente lidhjet midis furnizuesve të drogës të Amerikës së Jugut dhe familjeve mafioze italiane, si dhe argjentinasi F. P., i ndaluar edhe një vit më parë, i cili kujdesej për të anashkaluar kontrollet doganore dhe për pastrimin e parave.

Në Costa Rica, në qytetin Jaco është arrestuar F.D, lindur në Itali, bashkëpronar i një hoteli Casino pasi dyshohet se bënte të mundur dërgimin e kokainës në Itali, si dhe u siguronte anëtarëve të organizatës bazën logjistike dhe akomodimin në Amerikën Latine.

Në njoftim thuhet se ky operacion është kryer në kuadër të një projekti ndërkombëtar policior në 30 vende të botës ku ka ndikim “Ndrangheta”.

 

Etiketa: Bujar SejdinajNdranghetaTrafiku i droges
Tjetri
Si një projektligj për diasporën u kthye në çështje pronash dhe privatizimesh

Shqipëria i premton emigrantëve votë në distancë në të ardhmen

Më të lexuarat

Shqetësime mbi transparencën e biznesit në Ballkan të Tony dhe Cherie Blair

Shqetësime mbi transparencën e biznesit në Ballkan të Tony dhe Cherie Blair

11:10 | 30/01/2023
Arrest me burg për të dyshuarit për pengmarrje dhe vrasje në Kompleksin Golden

Arrestohet i dyshuari si përfaqësues i “Ndrangheta”-s në Shqipëri

11:33 | 24/07/2020
“Mungesë veprimi”: Ballkani Perëndimor kërcënohet nga ndryshimet klimatike

“Mungesë veprimi”: Ballkani Perëndimor kërcënohet nga ndryshimet klimatike

17:38 | 31/01/2023
KPK konfirmon në detyrë gjyqtaren Antonela Prendi

KPK konfirmon në detyrë gjyqtaren Antonela Prendi

11:57 | 27/01/2023
Suela Beluli kundërshton dyshimet e Komisionit për kontakt të papërshtatshëm

Suela Beluli kundërshton dyshimet e Komisionit për kontakt të papërshtatshëm

16:24 | 30/01/2023
Aventura shqiptare e kryeagjentit të FBI

Aventura shqiptare e kryeagjentit të FBI

15:12 | 27/01/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.