Shefi i Policisë Bashkiake i Malësisë së Madhe dhe i ati u plagosën, pasi u qëlluan nga një person me motorçikletë, ndërsa udhëtonin me makinë në periferi të Shkodrës.
Shefi i Policisë Bashkiake i Malësisë së Madhe dhe i ati u plagosën të dielën në mesditë në një atentat, ndërsa udhëtonin me makinë në periferi të Shkodrës.
Mentor Hasanaj 39 vjeç, me detyrë shef i Policisë Bashkiake në Malësi të Madhe ka qenë duke udhëtuar me mjetin e tij të punës nga Shkodra drejt shtëpisë ndërsa në mjet ka qenë dhe babai i tij Xhelal Hasanaj 74 vjeç dhe bashkëshortja 28 vjeç.
Ndërsa makina ndodhej aksin rrugor nacional Shkodër- Han i Hotit, në Dobraç, rreth 2 km larg qytetit të Shkodës, pranë vendit ku ndohet shtatorja e 5 Herojve të Vigut, një person me motor ka qëlluar me armë zjarri ndaj mjetit të Policisë Bashkiake, duke plagosur Hasanaj dhe babain e tij.
“Rreth orës 12:30, në aksin rrugor Shkodër-Koplik, një person i paidentifikuar që qarkullonte me motomjet, ka qëlluar me armë zjarri në drejtim të mjetit të Policisë Bashkiake Malësia e Madhe”, thuhet në njoftimin e policisë, ndërsa bëhet me dije se në kërkim të autorit ishin vënë forca të policisë locale dhe Forcate Ndërhyrjes së Shpejtë.
Dy të plagosurit janë dërguar në spitalin e Shkodrës, ku po marin ndihmë mjekësore. Ngjarja ndodhi në një zonë me lëvizje, pasi pranë vendit të atentatit ndodhet një treg shumice.
Policia tha se motivet e ngjarjes ishin ende të paqarta, por po hetohej nëse Hasanaj ishte qëlluar për shkak të detyrës.