Në atë që shihet si një hap i rëndësishëm në përballjen me ekstremizmin, politikani më popullor i ekstremit të djathtë në Slovaki, partia e të cilit ka deputetë në parlament, u dënua për përdorim ilegal të simboleve neo-naziste.
Politikani i ekstremit të djathtë Marian Kotleba në Sllovaki u dënua me katër vjet e katër muaj burg të hënën, në një vendim të pritur me interes të lartë dhe që shënon një kulm në sulmin kundër ekstremizmit në vend, në të cilën disa figura të nivelit të lartë janë vënë nën akuzë për krime racore përgjatë viteve të fundit. Megjithëse Kotleba tha se ai do të apelojë vendimin, nëse ai konfirmohet nga Gjykata e Lartë, ka gjasa që do t’i japë fund karrierës së tij politike.
Pas një fjalimi tetë orë të gjatë – në përpjekje për të vonuar fundin e gjyqit të ndjekurme interes të lartë – Kotleba u përball me gazetarët sllovakë jashtë Gjykatës Penale Speciale në Pezinok, me një ton sfidues. “Nuk mund të them se jam i lumtur sepse prisja pafajësi,” tha ai. “Është e qartë se ka pasur një urdhër politik që më herët, që Kotleba të “marrë fund”.”
Çështja kundër tij lidhet me një aktivitet të organizuar nga Partia Sllovakia Jonë e esktremit të djathtë më 2017 për të përkujtuar përvjetorin e shettit fashist sllovak të kohës së luftës.
Në atë aktivitet, Kotleba shpërndau disa çeqe të mëdha, në shumën 1,4887 euro, një kombinim i dy numrave të njohur simbol të neonazizmit, 14 dhe 88, numra që i referohen familjeve me fëmijë me atësi të kufizuara. Pas ngjarjes, Kotleba dhe kolegët e tij në parti, dukshëm duke kërkuar vëmendjen e medias, u shaqën sikur pranonin se ishin në dijeni të simbilikës së numrave.
Prokurori Tomas Honz argumentoi në gjykatë se 14 përfaqësonte një manifest neonazist, 14 fjalë, të hartuar nga supermacisti i bardhë famëkeq David Lane, ndërsa 88 nënkupton gërmën 8 të alfabetit, “H”, e cila është një referencë për një përfshëndetje naziste.
Në një fjalim shterrues, Kotleba argumentoi të hënën se numrat ishin rastësorë dhe se askush në histori nuk është përndjekur penalisht për shkak se ka ndihmuar njerëzit në nevoojë. Ai lexoi një listë me një dyzinë mallrash apo kontratash publike që kishin shifra të ngjashme, përfshirë reklama për vazo lulesh, llampa solare apo këpucë. Në fund, argumentet e tij dështuan të bindnin gjyqtaren Ruzena Sabova.
“Jam pak i emocionuar,” pranoi Honz pas vendimit, duke ngritur dy gishtët e shenjës “V” për fitore. “15 vjet pas ndalimit të Bashkimit Sllovak – Partia Nacionale, Republika e Sllovakisë më në fund ka arritur të dënojë një përfaqësues udhëheqës të ekstremizmit në vend,” tha ai, duke shtuar se kjo i jep mesazhin e duhur të gjithë popullit sllovak që mbështet demokracinë.
Honz tha se një nga arsyet e vendimit të fajësisë për Kotlebën ishte se ai kishte “përdorur familjet për të promovuar ideologjitë e sëmura naziste”.
Media sllovake gjerësisht e mikpriti vendimin si një pikë kthese vend në luftën kundër ekstremizmit ndërsa organizatat e të drejtave të njeriut duartrokitën vendimin e gjykatës. “Ne jemi të lumtur që ekstremizmi në Sllovaki më në fund po ndëshkohet dhe po trajtohet me vëmendjen e duhur,” tha një grup organizatash anti-ekstremizëm, përfshirë organizatat Post Bellum, Jo në qytetin tonë dhe Qendra për Organizimin Komunitar në një deklaratë të përbashkët. “Asnjë demokraci nuk është imune nga kërcënimi ekstremist.”
Vendimi për Kotlebën nuk është përfundimtar dhe ai ka njoftuar se do ta apelojë atë.
