Këshilli i Lartë Gjyqësor ka miratuar kandidaturën e Dariel Sinës për një nga vendet vakante në Gjykatën e Lartë nga rradhët e jo-gjyqtarëve. Sina është një nga dy Komisionerët Publik në procesin e vetingut.
Këshilli i Lartë Gjyqësor ka kualifikuar më 13 nëntor me shumicë votash kandidatin për një nga vendet vakante në Gjykatën e Lartë nga radhët jogjyqtarëve, Darjel Sina.
Darjel Sina që aktualisht është një nga dy Komisionerët Publik, një institucion që kontrollon dhe apelon vendimet e Komisonit të Pavarur të Kualifikimit në procesin e vetingut, ishte i vetmi kandidat në garë për vakancën e hapur në Gjyaktën e Lartë.
“Në përfundim të procedurave të verifikimit të thelluar të kushteve dhe kritereve ligjore,pasurisë dhe figurës, të kandidatit të katërt për gjyqtar në Gjykatën e Lartë, nga radhët e juristëve të spikatur, z.Darjel Sina, Këshilli vendosi kualifikimin e tij si dhe vijimin e procedurave të emërimit në Gjykatën e Lartë”, thuhet në njoftimin e KLGJ-së.
I pyetur nga BIRN një zëdhënës i KLGJ kërkoi kohë për t'iu përgjigjur pyetjeve mbi mënyrën e votimit nga anëtarët e institucionit dhe anonimizimin e emrit të Sinës në vendimin e publikuar në faqe edhe pse ai ishte kandidat i vetëm për një vend në Gjykatën e Lartë.
KLGJ pritet të përfundojë procesin e pikëzimit për Sinën dhe t'i hapë rrugë emërimit të tij në Gjykatën e Lartë.