Nga shorti i hedhur në Presicendë u zgjodhën nëntë anëtarët e rinj dhe anëtarët zëvendësues të Këshillit të Emërimeve në Drejtësi – i cili do të drejtohet nga gjyqtari Ervin Pupe.
Zgjidhen me short anëtarët e rinj të Këshillit të Emërimeve të Drejtësi, KED që do të funksionojë përgjatë vitit 2021. Shorti u hodh të premten në orën 11:00 në institucionin e Presidentit të Republikës.
Shorti u hodh mes 89 gjyqtarëve dhe prokurorëve, të cilët plotësonin kriteret për t’u zgjedhur. Gjykata Kushtetuese do të përfaqësohet në KED nga Marsida Xhaferllari dhe Elsa Toska, ndërsa gjyqtarja Fiona Papajorgji u zgjodh anëtare zëvendësuese.
Prej kandidatëve nga Gjykata e Lartë, shorti zgjodhi gjyqtarin Ervin Pupe, ndërsa Ilir Panda u zgjodh anëtar zëvendësues. Gjyqtari Pupe do të jetë gjithashtu drejtuesi i ri i Këshillit të Emërimeve në Drejtësi.
Prokurorët Adnan Xholi dhe Kujtim Luli si anëtar zëvendësues do të përfaqësojnë Prokurorinë e Përgjithshme në KED. Prej gjykatave të Apelit u zgjodh si anëtar Astrit Kalaja, anëtare e dytë Elona Toro dhe zëvendësuese Zegjine Sollaku.
Ndërsa nga prokuroritë e Apelit u zgjodh si anëtar prokurori Gjon Fusha, anëtar i dytë Genti Xholi dhe anëtar zëvendësues Kleanth Zeka.
Rilinda Selimi nga Gjykata Administrative do të jetë gjithashtu anëtare e KED, ndërsa Gentiana Xhelili u zgjodh anëtare zëvendësuese.
KED është një organ kolegjial me mandat 1-vjeçar që kryen vlerësimin e kritereve profesionale dhe morale të kandidatëve për anëtarë në Gjykatën Kushtetuese dhe të kandidatëve për Inspektor i Lartë të Drejtësisë.
Anëtarët e KED 2021
Ervin Pupe –Gjykata e Lartë
Marsida Xhaferllari –Gjykata Kushtetuese
Elsa Toska –Gjykata Kushtetuese
Adnan Xholi –Prokuroria e Përgjithshme
Astrit Kalaja- Gjykata e Apelit
Elona Toro –Gjykata e Apelit
Gjon Fusha –Prokuroria e Apelit
Genti Xholi –Prokuroria e Apelit
Rilinda Selimi –Gjykata Administrative
Anëtarë zëvendësues
Ilir Panda –Gjykata e Lartë
Fjona Papajorgji –Gjykata Kushtetuese
Kujtim Luli –Prokuroria e Përgjithshme
Zegjine Sollaku –Gjykata e Apelit
Kleanth Zeka –Prokuroria e Apelit
Gentiana Xhelili –Gjykata Administrative
