Këshilli i Emërimeve në Drejtësi miratoi kandidaturat e Aleksandër Tomës dhe Përparim Kalos për një prej vakancave në Gjykatën Kushtetuese që duhet të plotësohet nga Presidenti i Republikës.
Këshilli i Emërimeve në Drejtësi miratoi të mërkurrën kandidaturat e Aleksandër Tomës dhe Përparim Kalos për një prej vakancave të Gjykatës Kushtetuese që duhet të plotësohet nga Presidenti i Republikës.
Në një njoftim për shtyp KED bëri me dije se kishte miratuar vendimet për kandidatët, renditjen e tyre dhe këto do t’i dërgohet organit të emërtesës.
“Këshilli i Emërimeve në Drejtësi, pas diskutimeve miratoi vendimin për pikëzimin dhe renditjen e kandidatëve të lejuar, Z. Aleksanër Toma dhe Z. Përparim Kalo për vendin vakant në Gjykatën Kushtetuese vakancë e parakohshme, e shpallur nga Presidenti i Republikës”, thuhet në njoftim.
Këshilli bëri me dije se aktet do i shkonin Presidentit të Republikës brenda të mërkurrës. Nëse Presidenti i Republikës Ilir Meta vijon me zgjedhjen dhe dekretimin e një prej kandidaturave, Gjykata Kushtetuese do të bëhetë për herë të parë pas më shumë se 3 vjetësh me 6 anëtarë, një numër anëtarësh që lejon thirrjen e mbledhjes së gjyqtarëve dhe marrjen e vendimeve.