Gjykata e Tiranës ka urdhëruar me 26 prill, sekuesrimin e pasurisë së Ylli Didanit, i cili është arrestuar në SHBA si i dyshuar për trafik ndërkombëtar droge dhe pastrim parash.
Gjykata e Tiranës ka udhëruar sekuestrimin e e një njësie tregatre me vlerë 1 milionë dollarë, një kompani dhe një llogari bankare me vlerë 206 mijë dollarë, në emër të Ylli Didanit.
Didani u arrestua me 1 prill në SHBA nga DEA, i akzuar si drejtuesi një organizatë që merrej me “trafik kokaine në shkallë të gjerë dhe pastrim parash”, e cila projektoi një dron amfib për trafikimin e kokainës nga Amerika e Jugut në Evropë.
Lexo më shumë:
Siluri: Jeta e dyfishtë e një shqiptaro-amerikani të akuzuar për trafik droge
Vetëm gjatë dy viteve të fundit, autoritetet në SHBA dhe Evropë kapën rreth 3.5 tonë kokainë, e cila dyshohet se është trafikuar nga grupi i Didanit nga Amerika e Jugut në Bilbao në Spanjë, në portin holandez të Roterdamit dhe në Antwerp të Belgjikës.
Ai tani përballet me akuza për komplot për shpërndarje të substancave të kontrolluara, komplot për shpërndarjen e substancave të kontrolluara në bordin e një anijeje nën juridiksionin e SHBA si dhe për pastrim parash.
Sipas DEA-s, organizata e Didanit kishte lidhje në Amerikën e Veriut, Amerikën e Jugut, Shqipëri, Turqi, Gjermani, Belgjikë, Spanjë, Holandë dhe Emiratet e Bashkuara Arabe.
