Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Rajoni

COVID-19 kufizon vizitat e familjarëve për të paditurit për krime lufte në Kosovë

Serbeze HaxhiajNgaSerbeze Haxhiaj
11:50 | 18/05/2021
Në Rajoni
Kohe leximi: 3 minuta
A A
0
Gjykata Speciale duhet të nxjerrë para drejtësisë kriminelët e Kosovës

Dhomat e Specializuara të Kosovës në Hagë. Foto: Europol.

Share on FacebookShare on Twitter

Në një përpjekje për të parandaluar infektimet brenda njësive të saj të paraburgimit, Dhomat e Specializuara të Kosovës në Hagë kanë kufizuar vizitat e familjarëve për ish-krerët e Ushtrisë Çlirimtare të Kosovës që janë në pritje të gjyqit.

Dhomat e Specializuara të Kosovës në Hagë. Foto: Europol.

Dhomat e Specializuara të Kosovës me qendër në Hagë thanë për BIRN se për shkak të pandemisë, ajo po kufizon vizitat e të afërmve të ish-guerilëve të Ushtrisë Çlirimtare të Kosovës të cilët po presin gjyqin në qendrën e saj të paraburgimit.

Në vend të vizitave fizike, kjo gjykatë po ofron vizita video, telefonata dhe korrespondencë në përpjekje për të mbrojtur nga COVID-19 të dyshuarit dhe njerëzit që punojnë në qendrën e paraburgimit.

Megjithatë, disa njerëz të afërt të të akuzuarve kanë shprehur pakënaqësi me kufizimet.

Artan Behrami, një ish-këshilltar i ish-presidentit Hashim Thaçi, i cili është ndër ata që presin gjyqin për krime lufte, u ankua se politika është shtypëse.

“Nuk është Gjiri i Guantanamos dhe as burgu Pokrov ku po mbahet lideri rus i opozitës Alexey Navalny”, shkroi në Tëitter Behrami, i cili tani drejton faqen e lajmeve Demokracia.

“Qendra e Paraburgimit e Dhomave të Specializuara të Kosovës është i vetmi vend në Evropë ku ndalohen vizitat familjare, në shkelje të standardeve të BE-së dhe KE-së”, shtoi ai.

Dhomat e Specializuara i thanë BIRN në një përgjigje me shkrim se ata po zbatojnë masa proporcionale, bazuar në këshillat mjekësore, “për të mbrojtur shëndetin e të paraburgosurve dhe të tjerëve në Qendrën e Paraburgimit”.

“Bazuar në këtë këshillë, vizitat personale me familjarët dhe vizitorët e tjerë në institucionet e paraburgimit janë të kufizuara përkohësisht. Në çdo moment Dhomat e Specializuara të Kosovës kanë parasysh shëndetin dhe mirëqenien e individëve në Qendrën e Paraburgimit dhe i bazojnë politikat e tyre në këshillat aktuale mjekësore”, thanë Dhomat e Specializuara.

“Ne e kuptojmë që për të paraburgosurit dhe familjet e tyre rifillimi i vizitave personale është e një rëndësie të madhe. Me këtë në mendje, këto masa të përkohshme janë nën rishikim të vazhdueshëm, në dritën e situatës së përgjithshme të shëndetit publik dhe situatës specifike brenda Qendrave të Paraburgimit, për shembull, në lidhje me vaksinimet”, shtoi ai.

Thaçi dhe tre ish-politikanë të tjerë të Kosovës akuzohen për kryerjen e krimeve të luftës dhe krimeve kundër njerëzimit kur ishin figura të larta të UÇK-së në fund të viteve 1990. Ata të gjithë janë vetëdeklaruar të pafajshëm.

Ata akuzohen se kanë qenë pjesë e një “ndërmarrje të përbashkët kriminale” që synonte të merrte kontrollin mbi Kosovën gjatë luftës “duke përfshirë kanosjen, keqtrajtimin e paligjshëm, dhunim ndaj dhe largimin e atyre që konsiderohen si kundërshtarë”.

Aktakuza përfshin pretendime për persekutim, burgosje të paligjshme, ndalim arbitrar, vrasje dhe zhdukje me dhunë në Kosovë dhe në veri të Shqipërisë.

Dhomat e Specializuara të Kosovës u krijuan për të gjykuar ish-guerilasit e UÇK-së për krime të pretenduara të kryera gjatë dhe menjëherë pas luftës së Kosovës nga 1998 në 2000.

Ato janë pjesë e sistemit gjyqësor të Kosovës, por ndodhen në Holandë dhe përbëhen nga staf ndërkombëtar.

E ashtuquajtura “Gjykatë Speciale” nuk shihet me sy të mirë nga shqiptarët e Kosovës, të cilët e shohin atë si një përpjekje për të njollosur luftën e UÇK-së për çlirim nga sundimi serb.

Etiketa: COVID-19Gjykata SpecialeHashim Thaçikrime luftekufizimepandemivizita
Tjetri
Arjana Fullani kërkon të drejtën për t’u rikthyer në sistemin gjyqësor

KPA rrëzoi si të parëndësishme arsyetimet që rikthenin në sistem ish-gjytaren e Gjykatës së Lartë

Më të lexuarat

Sekreti i Bankës së Shqipërisë: Si u klonua kompania italiane e rikonstruksionit të Hotel Dajtit

Sekreti i Bankës së Shqipërisë: Si u klonua kompania italiane e rikonstruksionit të Hotel Dajtit

17:19 | 04/08/2022
Gjykata Speciale duhet të nxjerrë para drejtësisë kriminelët e Kosovës

COVID-19 kufizon vizitat e familjarëve për të paditurit për krime lufte në Kosovë

11:50 | 18/05/2021
Qeveria urdhëron mosregjistrimin e pronave që pengojnë “investitorët strategjikë”

Qeveria e shet falë tokën në bregdet për hotelet e ‘oligarkëve’

14:44 | 10/08/2022
Kryesekretarja e Prokurorisë së Tiranës akuzohet për dekonspirim

Kryesekretarja e Prokurorisë së Tiranës akuzohet për dekonspirim

16:39 | 08/08/2022
KPA pranoi prova të reja në çështjen ndaj prokurorit Hysen Keta

‘Pamundësi objektive’: Debati në Kolegj për konfirmimin e Hysen Ketës

19:55 | 05/08/2022

Qeveria fshehu për dy vjet zgjatjen e afatit për rrugën e Arbrit

18:43 | 11/08/2022
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.