Policia e Kukësit ka njoftuar arrestimin i një shtetasi me banim në Prishtinë që akuzojet për grabitje me armë në Emiratet e Bashkuara Arabe.
Policia e Shtetit njoftoi të mërkurën arrestimin me qëllim ekstradimi drejt Emirateve të Bashkuara Arabe të një shtetasi të shpallur në kërkim ndërkombëtar për veprën penale “grabitje me armë”.
“Në hyrje të Pikës së Kalimit Kufitar Morinë, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar A. R, 51 vjeç, banues në Prishtinë, Kosovë,” tha Policia e Kukësit në një njoftim për median.
“Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar, pasi Interpol Abu Dhabi, Emiratet e Bashkuara Arabe, ka lëshuar ndaj tij urdhër-arrestin për veprën penale grabitje me armë,” shtoi policia.
Specialistët e Sektorit për Hetimin e Krimit në Drejtorinë vendore të Policë Kukës kanë përfunduar veprimeve hetimore ndaj 51-vjeçarit dhe çështja pritet ti referohet organit të akuzës.