Gjykata e Vlorës vendosi masë sigurie arrest me burg ndaj Fadil Likajt, i cili plagosi një vajzë dhe hodhi një granatë në lokalin ku ajo po pinte kafe.
Gjykata e Vlorës vendosi të martën masë sigurie arrest me burg ndaj Fadil Likajt, i cili plagosi një vajzë dhe hodhi një granatë në lokalin ku ajo po pinte kafe.
I riu nga Shkodra la të plagosur rëndë në kokë Konstandina Zanaj dhe më pas hodhi një granatë në lokal e cila fatmirësisht nuk shpërtheu. Prokuroria e akuzon atë për tentativë vrasje të dy ose më shumë personave.
Në gjykatë Likaj tha se ishte i penduar.
Ky është rasti i katërt i rëndë i dhunës ndaj grave vetëm në dy muajt e fundit. Tre gra u vranë në Gusht e shtatorë në Fier, Divjakë dhe Shkodër nga bashkëshortë dhe ish bashkëshortë. Dhuna ndaj grave vijon të mbetet problem shqetësues në vend dhe megjithëse ndryshimet ligjore, pak është bërë për ndalimin e saj.
