Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Page Positions Artikull kryesor !

Mbështetësit e Berishës dhe Bashës përplasen në selinë e PD-së

Policia e Shtetit ka ndërhyrë për të shmangur përplasjen e dhunshme midis mbështetësve të ish-kryeministrit Sali Berisha dhe kreut të PD-së Lulzim Basha.

Besar LikmetaNgaBesar Likmeta
15:52 | 08/01/2022
Në Artikull kryesor !
0
Mbështetësit e Berishës dhe Bashës përplasen në selinë e PD-së

Ish-kryeministri Sali Berisha me kundragaz përpara selisë së PD-së | Foto: LSA

Share on FacebookShare on Twitter

Policia ndërhyri të shtunën duke përdorur gaz lotsjellës për të shpërndarë qindra mbështetës të ish-kryeministrit Sali Berisha, të cilët rrethuan selinë e Partisë Demokratike dhe përdorën mjete të forta për të shpërthyer dyert, ndërsa deputetë të kësaj partie dhe kreu i demokratëve, Lulzim Basha ishin të barrikaduar brenda.

Nëpërmjet një deklaratë për shtyp Policia e Shtetit njoftoi së ndërhyrja e saj kishte ardhur pas një kërkesë të bërë nga një grup deputetësh të PD-së, të cilëve ‘ju rrezikohej jeta nga protestuesit’.

Forcat e rendit dhe të Ndërhyrjes së Shpejtë përdorën gaz lotësjellës dhe autobotë me ujë për të larguar mbështetësit e Berishës, të cilët më pas marshuan në bulevardin “Dëshmorët e Kombit’, përpara se të shpërndaheshin.

Protestuesit e udhëhequr nga Sali Berisha përdorën shkallë, vare dhe shufra hekuri, në përpjekje për të shpërthyer dyert e selisë së PD-së, ndërsa mbështetësit e Bashës brenda selisë u kundërpërgjigjën me gaz lakrimogjen, përpara se të ndërhynte policia.

Në një deklaratë për gazetarët në përmbyllje të protestës, Sali Berisha deklaroi se protesta e së shtunës ishte vetëm fillimi i një luftë plot sakrifica për ta rikthyer PD-në në pushtet.

“Prej kohësh ju kam deklaruar se ky është një revolucion i pandalshëm,” tha Berisha. “Ky ndalet vetëm me përmbysjen e narkoshtetit,” shtoi ai, ndërsa theksoi se “ky revolucion synon rikthimin në pushtet përmes votës së lirë të PD.”

Përplasja e dhunshme midis mbështetësve të Partisë Demokratike ka lënë të paktën një person të plagosur. Ndërkohë Prokuroria e Rrethit Gjyësor Tiranë, ka nisur një hetim duke mbledhur provat nga vendi i ngjarjes.

“Nën drejtimin e Prokurorisë së Rrethit Gjyqësor Tiranë ka filluar kryerja e veprimeve procedurale, në selinë e Partisë Demokratike, për këqyrjen e çdo ambienti ku u zhvillua ngjarja që degradoi në përdorimin e dhunës,” njoftoi Policia e Shtetit.

Dhuna që shpërtheu të shtunën në selinë e PD-së është kulminimi i përplasjes midis liderit aktual Lulzim Basha dhe ish-kryeministrit Sali Berisha për lidershipin e partisë, konflikt i cili shpërtheu pas shpalljes së Berishës ‘non-grata’ nga Shtetet e Bashkuara të Amerikës dhe largimit të tij nga grupi parlamentar i PD-së me urdhër të Bashës.

Përfaqësitë diplomatike në Tiranë e dënuan dhunën në selinë e PD-së dhe i bënë thirrje palëve për qetësi.

“Nuk duhet të ketë vend për dhunë në politikë,” tha Delegacioni i Bashkimit Europian në Tiranë. “Të gjithë të përfshirët kanë përgjegjësinë të sigurojnë që demonstratat të zhvillohen në mënyrë të rregullt dhe paqësore dhe të garantojnë sigurinë e të gjithë njerëzve të pranishëm.”

Deklarata të ngjashme për qetësi pas përplasjes së dhunshme mes mbështetësve të PD-së u bënë edhe nga ambasadorja e SHBA-së, ambasadori Gjerman dhe ai i Mbretërisë së Bashkuar.

Etiketa: Lulzim BashaPatia DemokratikeSali Berisha
Pas

Gjyqtarja Eda Kaja u gjet me probleme të shumta për pasurinë

Tjetri

Skeda e pasurisë së deklaruar –Ermira Dedja–Gjykata e Shkodrës

Tjetri
Skeda e pasurisë së deklaruar –Ermira Dedja–Gjykata e Shkodrës

Skeda e pasurisë së deklaruar –Ermira Dedja–Gjykata e Shkodrës

Të fundit

Si funksionon skema e mashtrimit me TVSH-në?

Kriza godet të ardhurat buxhetore

17:26 | 17/08/2022

Një debat disproporcional me “problemin” e shamisë

13:19 | 17/08/2022
KPA i dha të drejtë Komisionit për konfirmimin e Atalanta Zeqirajt

KPA i dha të drejtë Komisionit për konfirmimin e Atalanta Zeqirajt

10:44 | 17/08/2022
KPA lë në fuqi precedentin e KPK për pensionin e parakohshëm

KPA lë në fuqi precedentin e KPK për pensionin e parakohshëm

17:24 | 16/08/2022
Rama: Qeveria do paguajë inceneratorët, por jo Francesco Becchettin

Projekti i qeverisë për “pasaportat e arta” ngre shqetësime të sigurisë

16:17 | 16/08/2022
Voskopoja në kërkim të një shkëlqimi të dytë

Voskopoja në kërkim të një shkëlqimi të dytë

18:32 | 15/08/2022
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.