Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Lajme

Përplasja në PD transferohet në sallën e Kuvendit

Kryetarja e Kuvendit, Lindita Nikolla, njoftoi të hënën përjashtimin e 4 deputetëve nga grupi parlamentar i Partisë Demokratike sipas kërkesës së kësaj partie. Deputetët demokratë të franksoni anti-Basha e cilësuan anti-ligjore këtë vendim dhe i kërkuan Nikollës të mos pozicionohet në përplasjet brenda PD-së.

Blerina GjokaNgaBlerina Gjoka
19:08 | 17/01/2022
Në Lajme
Kohe leximi: 3 minuta
A A
0
Berisha premton hakmarrje ndërsa gjen mbështetje të paktë mes demokratëve

Kuvendi i Shqipërisë në mbledhjen e parë më 10 shtator 2021. Foto: LSA

Share on FacebookShare on Twitter

Përplasja e demokratëve për drejtimin e partisë ëshë zhvendosur në sallën e e Kuvendit gjatë seancës së parë parlamentare për këtë vit. Kryetarja e Kuvendit Lindita Nikolla njoftoi ndryshimet në përbërjen e Grupit Parlamentar të Partisë Demokratike dhe në komisionet parlamentare sipas kërkesës së dorëzuar të hënën nga kryesia e këtij grupi.

Ajo njoftoi se kryetari i ri i do të jetë Enkelejd Alibeaj dhe se deputetët Albana Vokshi, Luan Baçi, Edmond Spaho dhe Flamur Noka përjashtoheshin nga grupi demokrat. Po ashtu ajo njoftoi zëvendësimin e disa deputetëve që njihen si kundërshtarë të kryetarit të partisë, Lulzim Basha, nga detyrat që mbanin në drejtimin e komisioneve parlamentare e këshillat e përhershëm.

Akti i kryeparlamentares u kundërshtua nga deputetët anti-Basha si i paligjshëm dhe si pozicionim në punët e brendshme të një partie politike.

Me anë të një letre dërguar po të hënën në zyrën e saj, e firmosur nga disa deputetë nga “Komisioni i Përkohshëm i Rithemelimit të PD-së”, ata i kërkuan Nikollës që të mos merrte parasysh vendimarrjet partiake pasi ishin në kundërshtim me rregulloren e Kuvendit dhe vendosnin një “precedent të rrezikshëm për jetën parlamentare”.

Deputeti Oerd Bylykbashi citoi Kushtetutën dhe rregulloren e Kuvendit për të kundërshtuar “përjashtimin” nga një grup parlamentar si koncept ligjor.  “Ne jemi deputetë të Republikës së Shqipërisë dhe Kushtetua përcakton që mandati ynë është i pakushtëzuar. Deputetët e formojnë grupin parlamentar dhe jo partitë. Grupet parlamentare formohen mbi bazën e rezultateve të deklaruara nga KQZ, i cili ka emër për emër përbërjen e grupit parlamentar. As ju dhe as ky Kuvend nuk e ndryshon dot”- tha ai gjatë seancës.

Sipas Bylykbashit e vetmja mundësi që i jep rregullorja e Kuvendit është largimi me dëshirën e vet i  deputetëve nga një grup parlamentar, ku është zgjedhur. Ai i kërkoi Nikollës dhe mazhorancës që të tërhiqen nga kjo procedurë. “Përndryshe këtu në parlament vendoset një precedent i rrezikshëm që cënon përfaqësimin”, theksoi Bylykbashi.

Kryetarja e Kuvendit u përgjigj se po zbatonte rregulloren dhe vendimarrjen e grupit parlamentar të PD-së dhe se nuk interpretonte vendimmarrjet politike.

Por deputeti demokrat Flamur Noka e akuzoi se po i shërbente interesave të palës tjetër në përplasjen brenda PD-së. “Mendoni se do ta fusni në thes opozitën”- i tha ai, duke i kërkuar që të njihte si autoritet përfaqësues të PD-së vetëm Komisionin e Përkohshëm të Rithemelimit, një organ i dalë nga Kuvendi i 11 dhjetorit, i cili u mbajt nga ish-kryeministri Sali Berisha dhe mbështetësit e tij brenda partisë.

Vendimin e Nikollës e mbështeti kryetari i grupit parlamentar të Partisë Socialiste, Taulant Balla, duke argumentuar se përjashtimi i deputetëve nga një grup parlamentar është e drejta eskluzive e vetë grupit dhe mbështetet në rregullore. “Me vendim të grupit të PD-së është përjashtuar Spartak Ngjela dhe Gilman Bakalli”- tha ai duke sjellë shembuj të hershëm. Ndërkohë që u kërkoi kolegëve demokratë që të sqaronin konceptimin e “pezullimit” të deputetëve të tjerë pasi nuk ekzistonte në rregullore duke iu referuar një vendimi të kryesisë së PD-së për pezullimin e disa deputetëve të tjerë.

Përjashtimet nga grupi parlamentar erdhi si hakmarrje e Bashës për deputetët që u rrjeshtuan në krah të ish-kryetarit Berisha dhe që drejtuan një protestë kundër tij më 8 janar, protestë që përfundoi në përplasje të dhunshme mes demokratëve për marrjen e selisë së kësaj partie.

Etiketa: Albana VokshiEdmond SpahoFlamur NokaKuvendi i ShqiperiseLindita NikollaLuan BaçiOerd BylykbashiPartia Demokratike
Tjetri
Filmi propagandistik kroat s’do ta ringjallë karrierën e Kevin Spacey

Filmi propagandistik kroat s’do ta ringjallë karrierën e Kevin Spacey

Më të lexuarat

Shtyhet seanca dëgjimore për Altin Abdiun

Vetingu i të birit ekspozon problemet në pasurinë e ish-kryetarit të Gjykatës Kushtetuese, Fehmi Abdiu

20:01 | 24/06/2022
Berisha premton hakmarrje ndërsa gjen mbështetje të paktë mes demokratëve

Përplasja në PD transferohet në sallën e Kuvendit

19:08 | 17/01/2022
Një sponsor privat financoi aktivitetin e KPK në një resort luksoz në Vlorë

Një sponsor privat financoi aktivitetin e KPK në një resort luksoz në Vlorë

12:33 | 07/01/2022
Gjyqtarja Elsa Ulliri përballet me vetingun

Gjyqtarja Elsa Ulliri përballet me vetingun

16:27 | 28/06/2022
KPK ngre dyshime për pasuri të fshehura ndaj prokurorit Arben Sharra

KPK ngre dyshime për pasuri të fshehura ndaj prokurorit Arben Sharra

18:21 | 27/06/2022
Skeda e pasurisë së deklaruar – Elsa Ulliri – Gjykata e Lezhës

Skeda e pasurisë së deklaruar – Elsa Ulliri – Gjykata e Lezhës

15:34 | 27/06/2022
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.