Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
Reporter.al
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Blog

Prioritetet e çuditshme të qeverisë “Rama” me rrugët

Qeveria “Rama” duket se reflektoi. U desh që banorët e zonës përreth Rinasit të protestonin, duke mos dërguar fëmijët në shkollë, në mënyrë që Autoriteti Rrugor Shqiptar të mësojë se në fakt, në zonën e Shqipërisë së Mesme mungon një aks i rëndësishëm, i cili duhet të lidhë vendin në drejtimin veri-jug. Megjithatë qeveria ka prioritet tunelin te vilat e Palasës apo incineratorët që nuk gjenden asgjëkundi.

Gjergj ErebaraNgaGjergj Erebara
11:41 | 05/05/2022
Në Artikull kryesor Blog, Blog
Kohe leximi: 3 minuta
A A
0
Prioritetet e çuditshme të qeverisë “Rama” me rrugët

Banorët e zonës së Rinasit duke protestuar më 4 maj 2022. Foto: LSA

Share on FacebookShare on Twitter

Historia pesëditore e vendimit të Autoritetit Rrugor Shqiptar për të zgjidhur lëmshin e trafikut në Shqipërinë qendrore, duke bërë me një sens lëvizjeje rrugën drejt Aeroportit të Rinasit demonstron shumë humbjen e kontakteve me realitetin të zyrtarëve të vendit, por demonstron gjithashtu se sa të palogjikshme i ka prioritetet e ndërtimit të rrugëve kryeministri Edi Rama.

Rama, i cili është në pushtet që nga viti 2013, fillimisht vendosi të mos ketë prioritet rrugët, dukshëm për shkak se ministria e rrugëve ishte nën kontrollin e ish-aleatit të vet LSI, dhe, hamendësohet, se, duke qenë se korrupsioni është një burim i madh i fuqisë politike në vend, duke dhënë para për rrugët, detyrimisht kjo sillte fuqizimin e aleatit të padëshirueshëm.

Dhe pas vitit 2017, kur e mori pushtetin vetëm, vendosi që t’i hedhë paratë në disa projekte të çuditshme, me forma të çuditshme prokurimi. Sot, nëntë vjet pas ardhjes në pushtet, prioritetet e qeverisë së tij janë ndërtimi i një tuneli të kushtueshëm që lidh vilat e reja të elitës së re në Palasë me vilat e tyre të vjetra në Golem si dhe një rrugë malore që nuk përfundoi kurrë, por që kushtoi sakaq qimet e kokës, për të lidhur Tepelenën me Sarandën.

Ndërkohë, përgjatë të gjithë këtyre viteve, një prioritet akut për ekonominë e vendit ulëret në Shqipërinë Qendrore. Aksi Thumanë-Kashar, gjithsej 20 kilometra autostradë, e cila duhet të lidhë autostradën ekzistuese Tiranë-Durrës me autostradën ekzistuese por kurrë të përfunduar Thumanë-Laç.

Ka gjithsej dy rrugica që lidhin autostradën Tiranë-Durrës me veriun e vendit, me Kosovën dhe me Malin e Zi. Njëra kalon përmes qytetit të Kamzës dhe tjera për në Vorë. Qytetarët zgjedhin rrugën e Rinasit si një alternativë më e shkurtër për të mbërritur në Tiranë në krahasim me Vorën, dhe krahasimisht më e shpejtë në krahasim me Kamzën. Gjatë verës, hyrja dhe dalja nga Tirana drejt veriut shoqërohet me orë të gjata trafiku, pavarësisht se cilën rrugë zgjedh të përshkruash. Logjika ta do se ndërtimi i autostradës Thumanë – Kashar, gjithsej vetëm 20 kilometra, është një investim i logjikshëm dhe me leverdi sepse i shërben të 2 milionë kosovarëve që të vizitojnë bregdetin, krahas banorëve të Shqipërisë së veriut apo turistëve që zbresin nga Mali i Zi. Por prioriteti i qeverisë duket se janë vilat e Palasës dhe shqetësimi kryesor i vendit duhet të jetë nëse elita e re e Shqipërisë shkon te vila e tyre e shtatë për katër orë apo për tre orë e gjysmë.

Dhe ndërsa përreth Aeroportit të Rinasit planifikohen dhe po ndërtohen blloqe të reja me vila, pallate e objekte komerciale a industriale, vendi nuk ka marrë mundimin që të bëjë ndonjë plan të përgjithshëm për rrjet rrugor rural apo urban në këtë zonë, dhe as ndonjë plan të përgjithshëm për kanalizime të ujërave të zeza apo për furnizim me ujë.

Siç u kuptua nga protesta e banorëve të zonës, rruga e Rinasit është njëkohësisht aksi kombëtar veri-jug, rruga e aeroportit dhe rruga që lidh fshatrat e shtrira përgjatë saj.

Prioritetet e qeverisë me tunel Llogaraje dhe tunel Skërfice nuk ngjajnë shumë të logjikshme.

Natyrisht që ndërtimi i rrugëve nuk është aspak punë e lehtë sot. Kostot janë fryrë përgjatë shumë viteve keqmenaxhim dhe korrupsion të hapur, si rasti i DH Albania, sa asnjë lloj buxheti shteti nuk ka fuqi më të paguajë koston e një autostrade.

Etiketa: DH AlbaniaEdi RamaEkonomiaRruget
Tjetri
Dështon për herë të tretë seanca dëgjimore për Elveta Murrën

Gjyqtarja Anila Capo largohet me dorëheqje nga drejtësia

Më të lexuarat

Prioritetet e çuditshme të qeverisë “Rama” me rrugët

Prioritetet e çuditshme të qeverisë “Rama” me rrugët

11:41 | 05/05/2022
Gjyqtari Emiljano Ruli përballet me probleme të pasurisë

Gjyqtari Emiljano Ruli përballet me probleme të pasurisë

18:28 | 11/05/2022
‘Investime strategjike’: Resortet kërcënojnë zonat e mbrojtura në bregdet

‘Investime strategjike’: Resortet kërcënojnë zonat e mbrojtura në bregdet

18:16 | 10/05/2022
Etien Kapo përballet pa telashe me vetingun

Etien Kapo përballet pa telashe me vetingun

17:35 | 12/05/2022
Marsida Frashëri dërgohet për trajnim në Magjistraturë

Marsida Frashëri dërgohet për trajnim në Magjistraturë

16:42 | 13/05/2022
“Neglizhencë dhe pakujdesi”: Marsida Frashëri jep shpjegime për profesionalizmin

“Neglizhencë dhe pakujdesi”: Marsida Frashëri jep shpjegime për profesionalizmin

17:01 | 10/05/2022
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.