Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Blog

Milionat në infrastrukturë nuk i zgjidhën problemet e sigurisë në rrugët e Durrësit

Infrastruktura rrugore pranë Torrës mesjetare në Durrës ka pësuar ndryshime të dukshme në vitet e fundit, por investimet me vlerë miliona euro, në shëtitoren bregdetare, në sistemin e ujit të pijshëm dhe në projektin “Veliera”, nuk e kanë përmirësuar situatën e trafikut rrugor.  

Gëzim KabashiNgaGëzim Kabashi
11:24 | 31/05/2022
Në Blog
Kohe leximi: 2 minuta
A A
0
Milionat në infrastrukturë nuk i zgjidhën problemet e sigurisë në rrugët e Durrësit

Turistë duke kaluar mespërmes rrugës që ndan pjesën historike të Durrësit me shëtitoren bregdetare. Foto: Gëzim Kabashi.

Share on FacebookShare on Twitter

Rreth-rrotullimi pranë Torrës në Durrës me monumentin e Redonit në qendër, ka përreth tij 8 hyrje e dalje mjetesh. Më i rëndësishmi prej tyre është nënkalimi i automjeteve, që mban mbi shpinë tendën e shumëpërfolur metalike të njohur me emrin “Veliera”.

Të tjerat janë rrugica një kalimëshe që nuk lejojnë qarkullimin e më shumë se një autoveture që vjen nga qyteti, apo që shkon drejt portit dhe bregdetit.

Një tjetër rrugicë shkon përmes dy pallateve binjake për në parkimin e ri të autoveturave. Udhëtimi në këto rrugë gjarpëruese i autobusëve turistikë që synojnë bregdetin në verë është një mision gati i pamundur.

Mjetet e mëdha turistike janë të detyruara të kalojnë patjetër nga rruga “Egnatia. Por kjo është zona më intensive e lëvizjes së kalimtarëve në qytetin e Durrësit, ndërsa i mungojnë vendpushimet apo parkimet e autobusëve të shumtë që vizitojnë monumentet historike dhe arkeologjike.

E ndërsa trëndafili rrugor rreth rotondës së Redonit ka zgjidhur pjesërisht trafikun e automjeteve, ai e ka lënë në mëshirë të fatit lëvizjen e qytetarëve dhe turistëve të shumtë.

Këta të fundit kanë në dispozicion vetëm një palë viza të bardha, rreth 150 metra larg nënkalimit, ndërsa duhet ta zgjidhin si të munden kalimin nga trotuari në trotuar. Këtu këmbësorët ndjehen të pasigurt përballë numrit në rritje të automjeteve gjithfarësh.

Kjo situatë ka nxjerrë në pah mungesën e investimeve të menduara.  Infrastruktura rrugore pranë Torrës mesjetare në Durrës vitet e fundit ka pësuar ndryshime të dukshme. Aty janë bërë investime disa milionëshe, në shëtitoren bregdetare, në sistemin e ujit të pijshëm dhe në projektin “Veliera”, por asnjë prej tyre nuk e ka përmirësuar situatën e trafikut dhe kalimet që duhet tu shërbejnë këmbësorëve.

Në Durrës, stina e verës e 3-4-fishon numrin e pushuesve vendas dhe të huaj që i drejtohen bregdetit dhe lokaleve të shumtë deri në Currila e më tej në Kallm.

Por zgjidhja ndërtimore që i është dhënë nyjës rrugore, që bashkon bulevardet “Dyrrah”, “Egnatia” dhe “Taulantia” nuk i ka ndihmuar qytetarët që të mbërrijnë më lehtë në bregdet dhe as që të shëtisin të sigurt.

Specialistët sugjerojnë një nënkalim në formën e tunelit, për të ndihmuar këmbësorët dhe lidhur Torrën mesjetare me Shëtitoren. Njëlloj si nënkalimi me ndarëse trafiku për automjetet, do të zgjidhej kështu problem i sigurisë së këmbësorëve të gjitha moshave që duan të vizitojnë Durrësin.

Por kjo nuk është një zgjidhje që duket në horizont. Tani për tani autoritetet ia kanë besuar sigurinë e kalimit në rrugë, njëlloj si në vitet e kaluara forcave të shumta të policisë bashkiake dhe atyre të policisë rrugore që do të vigjilojnë në mes të diellit e do të kujdesen për sigurinë e vizitorëve të rritur dhe fëmijë që zgjedhin këtë pjesë të qytetit bregdetar dhe që u duhet të kalojnë në rrugë të mbi ngarkuara.

Etiketa: DurrësSiguriaTorraturisteVeliera
Tjetri
Enri Canaj: “Mbulimi i një lufte si ajo e Ukrainës është përgjegjësi”

Enri Canaj: “Mbulimi i një lufte si ajo e Ukrainës është përgjegjësi”

Më të lexuarat

Shtyhet seanca dëgjimore për Altin Abdiun

Vetingu i të birit ekspozon problemet në pasurinë e ish-kryetarit të Gjykatës Kushtetuese, Fehmi Abdiu

20:01 | 24/06/2022
Milionat në infrastrukturë nuk i zgjidhën problemet e sigurisë në rrugët e Durrësit

Milionat në infrastrukturë nuk i zgjidhën problemet e sigurisë në rrugët e Durrësit

11:24 | 31/05/2022
Një sponsor privat financoi aktivitetin e KPK në një resort luksoz në Vlorë

Një sponsor privat financoi aktivitetin e KPK në një resort luksoz në Vlorë

12:33 | 07/01/2022
Gjyqtarja Elsa Ulliri përballet me vetingun

Gjyqtarja Elsa Ulliri përballet me vetingun

16:27 | 28/06/2022
KPA dëgjon konkluzionet përfundimtare në vetingun e Gerd Hoxhës

KPA dëgjon konkluzionet përfundimtare në vetingun e Gerd Hoxhës

21:53 | 22/06/2022
KPA mbyll hetimin gjyqësor për ankimin ndaj konfirmimit të Rilinda Selimit

KPA shkarkon Rilinda Selimin për shkak të kontakteve të papërshtatshme

15:17 | 22/06/2022
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.