Policia e Dibrës njoftoi të martën se kishte rreth orës 14.00, në një nga galeritë private te kromit në Krastë të Martaneshit, një minator ishte plagosu rëndë.
Burime nga policia thanë se se dyshohet të jetë shembur një pjesë shkëmbi, e cila ka goditur minatorin Maksim Beca, 56 vjeç, duke e plagosur rëndë.
Minatori i plagosur është dërguar menjëherë në spitalin e Bulqizës, ku ka marrë ndihmën e parë mjekësore dhe më pas është transportuar me helikopter drejt Tiranës, për ndihmë më të specializuar.
Ngjarja konfirmohet edhe nga policia Dibër, e cila me anë të një informacioni paraprak, bën me dije se grupi hetimor po punon për zbardhjen dhe dokumentimin e rrethanave të kësaj ngjarje.
Aksidentet në galeritë e zonës krom mbajtëse Bulqizë-Martanesh, kanë qenë të shpeshta. Vetëm para një jave në galerinë private nr.41 në Bulqizë, humbi jetën gjatë punës Sazan Deda, 52 vjeç.