Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Zgjedhje 2023
  • Veting
  • Mjedisi
  • Kosovë
  • SPAK
  • BE
  • Vladimir Putin
  • Olta Xhaçka
  • KLP
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Fotogaleri

Në foto: Mijëra qytetarë mblidhen për kurban dhe pelegrinazh në malin e Tomorrit

Mali i Tomorrit konsiderohet një vend i shenjtë për besimtarët bektashinj, por qytetarë nga të gjitha besimet dhe krahinat i janë bashkuar edhe pelegrinazhit të këtij viti.

Nensi BogdaniNgaNensi Bogdani
18:24 | 22/08/2022
Në Artikull kryesor !, Fotogaleri
0
Share on FacebookShare on Twitter

Mes diellit që nxeh rrugën e ngushtë dhe dredharake që të çon në malin e Tomorrit, me qindra autovetura ngjiten dhe zbresin me vështirësi. Datat 20-25 gusht shënojnë pelegrinazhin e përvitshëm në malin e Tomorrit, vendin e shenjtë të bektashinjve, por që vizitohet prej mijëra shqiptarëve të besimeve të ndryshme fetare.

Një tufë delesh është shenjuar për kurban në malin e Tomorrit. Foto: Nensi Bogdani/ BIRN.

Teksa afrohesh drejt majës, tingujt e muzikës popullore, kafshët e gjalla në pritje për t’u bërë kurban, aroma e mishit të pjekur dhe kaosi i makinave që përpiqen të gjejnë parkim, të japin ndjesinë se po shkon drejt një festivali veror në mal.

Pelegrinët dhe tregtarët e zonës bashkëpunojnë për t’i çuar qengjat drejt thertores ku do të bëhen kurban. Foto: Nensi Bogdani/BIRN.
Një çoban duke sjellë një qengj në krahë drejt besimtarëve. Foto: Nensi Bogdani/BIRN.

Kjo festë bektashiane lidhet ngushtë me emrin e shenjtorit Abaz Ali, për të cilin legjenda thotë se erdhi përpara qindra viteve me kalin e tij në malin e Tomorrit. Gjurmët gjenden në teqen e parë përgjatë rrugës që të ngjit drejt majës.

Ikona e Abaz Aliut në shitje për besimtarët. Foto: Nensi Bogdani/ BIRN.
Sipas legjendës, gjurmët e Abaz Aliut gjenden në teqe. Foto: Nensi Bogdani/BIRN.

Rituali më i rëndësishëm i këtij pelegrinazhi është flijimi i një qengji, pra “kurbani”. Familje të tëra shkojnë atje për të blerë dele apo qengja, të cilat vetë tregtarët apo kasapët i flijojnë në thertoren që ndodhet në majë të malit.

Sipas tregtarëve, çdo vit në majën e Kulmakut theren rreth 10 mijë krerë bagëti. Foto: Nensi Bogdani/ BIRN.
Pelegrinë duke dërguar qengjat drejt thertores. Foto: Nensi Bogdani/ BIRN.

Pasi kafsha flijohet, familjarët lyejnë ballin e tyre me gjakun e saj. Në majë të malit, pranë varreve të dervishëve, bie në sy thertorja, e cila kutërbon erën e gjakut të derdhur kudo në dysheme. “Çdo vit theren pothuajse rreth 10 mijë krerë bagëti,” thotë njëri prej kasapëve. Një qengj tregtohet nga 10 mijë në 15 mijë lekë të reja, në varësi të peshës.

 

Mijëra qengja theren gjatë javës së pelegrinazhit në malin e Tomorrit. Foto: Nensi Bogdani/BIRN.
Lëkura e bagëtive të therura ruhet për përdorime të tjera, ndërsa të brendshmet selektohen prej kasapëve. Foto: Nensi Bogdani/BIRN.

“Këtë vit jemi shumë herë më mirë se vjet,” tha një tjetër kasap në thertoren që ndodhet në majë të malit të Tomorrit, duke iu referuar fitimeve. Pasi i therin dhe i rrjepin lëkurën, familjarët e fusin mishin e freskët nëpër thasë të mëdhenj, për të vijuar më pas rrugëtimin e tyre duke e shoqëruar me fjalët “na ndihmoftë”.

Familjarët e marrin mishin e therur në thes, për ta pjekur më pas. Foto: Nensi Bogdani/BIRN.
Mishi i pjekur në hell shitet i gatshëm për pelegrinët. Foto: Nensi Bogdani/BIRN.

Shumë prej besimtarëve bektashinj e çojnë deri në fund rrugëtimin, duke qëndruar për netë të tëra nën çadrat e ngritura në majën e Tomorrit, deri në përfundimin e pelegrinazhit.

Një pjesë e pelegrinëve flenë në çadra në majën e malit të Tomorrit. Foto: Nensi Bogdani/BIRN.
Pas

‘Instalacion’: Statujat e Stalinit dhe Leninit ekspozohen në vilën qeveritare

Tjetri

KPK u nda për Enkeleda Kapedanin

Tjetri
KPK u nda për Enkeleda Kapedanin

KPK u nda për Enkeleda Kapedanin

Më të lexuarat

Në foto: Mijëra qytetarë mblidhen për kurban dhe pelegrinazh në malin e Tomorrit

Në foto: Mijëra qytetarë mblidhen për kurban dhe pelegrinazh në malin e Tomorrit

18:24 | 22/08/2022
Erion Veliaj

Taksa për arsimin, si dështuan investimet me dhe pa PPP

16:21 | 25/09/2023
Suela Salavaçi kundërshton bilancet negative për pasuritë e dhuruara nga prindërit

Suela Salavaçi kundërshton bilancet negative për pasuritë e dhuruara nga prindërit

16:37 | 26/09/2023
Agron Bushati

Prokurori i Shkodrës, Agron Bushati konfirmohet në detyrë

16:43 | 27/09/2023
Kolegji njihet me parashtrimet në çështjen e gjyqtarit Arbër Çela

Kolegji njihet me parashtrimet në çështjen e gjyqtarit Arbër Çela

19:59 | 28/09/2023
Prokurorja Suela Salavaçi konfirmohet në detyrë

Prokurorja Suela Salavaçi konfirmohet në detyrë

11:58 | 28/09/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.