Mbledhja e Përgjithshme e Prokurorëve votoi të partën prokuroren e Tiranës Ledina Riza me 115 vota si anëtare e re në Këshillin e Lartë të Prokurorisë, në vendin e mbetur vakant pas shkarkimit nga Kolegji i Posaçëm i Apelimit të ish-prokurorit Ludovik Dodaj.
Riza garoi përballë prokurorit Etien Kapo i cili mori 83 vota. Në Mbledhje po ashtu u votua edhe përfaqësuesi i prokurorisë si anëtar në Këshillin Drejtues të Magjistraturës. 100 prokurorë votuan për prokurorin Albert Kuliçi në këtë pozicion.
Sipas procesverbalit të bërë publik nga Prokuroria e Përgjithshme në mbledhje ishin thirrur 231 prokurorë, ndërsa morën pjesë 200 të tillë.
