Nën masa të rrepta sigurie, krerët e BE-së, ato vendeve anëtare dhe të vendëve të Ballkanit Perendimor u mblodhën të martën për një samit 1-ditor në Tiranë.
Duke folur për gazetarët pasi mikëpriti krerët e shteteve, kryeministri Edi Rama u shpreh me nota optimiste për momentin historik që po kalonte vendi dhe Ballkanit Perëndimor.
“Vendet e Ballkanit Perendimorë nuk kanë qenë më mirë në historinë e tyrë,” tha Rama.
“Në mënyrë të veçantë shqiptarët, në Shqipëri, Kosovë dhe vende të tjera nuk kanë qenë kurrë më mirë në historinë e tyre,” shtoi ai.
Megjithatë, prognoza e dhënë nga kryeministri për mirëqenjen e bashkëkombasve të tij nuk ndahet nga të gjithë shqiptarë.
Ndërkohë, që ai dhe krerët e BE-së, të rajonit dhe vendeve anëtare bënin foton tradicionale familjare, në një shesh tjetër të Tiranës opozita ka zbritur në rrugë për të protestuar kundër qeverisë, të cilën e akuzon për korrupsion, lidhje me krimin e organizuar dhe largimin dhjetramijëra shqiptarëve në emigrim, si pasojë e humbjes së shpresës dhe mundësisë për të ndërtuar një jetë më dinjitet në Shqipëri.
Protesta është shoqëruar me tensione kur një person ka sulmuar me grusht kreun e opozitës Sali Berisha. Agresori është neutralizuar nga mbështetësit e Berishës dhe më vonë është arrestuar nga policia.
