Presidenti i Republikës, Bajram Begaj shpalli të mërkurën dekretin për emërimin në Gjykatën Kushtetuese të juristit Gent Ibrahimi, pas krijimit të një vakance të plotë nga mbarimi i mandatit të gjyqtarit Përparim Kalo.
Sipas praktikës dokumentare të dërguar nga Këshilli i Emërimeve në Drejtësi në Presidencë, Ibrahimi ishte rënditur i pari nga 3 kandidatët që garonin për postin e anëtarit të Gjykatës Kushtetuese, i ndjekur nga juristja Arta Vorpsi dhe prokurorja Arta Marku.
Nga viti 2018 deri në vitin 2021, Ibrahimi ka shërbyer si kryetar i Këshillit të Lartë të Prokurorisë. Me herë ai ka pasur një angazhim të gjatë dy dekada në shoqëri civile si drejtues i Institutit për Studime Publike & Ligjore, një organizatë kërkimore në fushën e qeverisjes dhe sistemit të drejtësisë.
Nga viti 2014 deri në vitin 2016, Ibrahimi shërbeu si ekspert i nivelit të lartë në grupin e ngushtë të ekspertëve të angazhuar nga Komisioni Parlamentar Ad Hoc për Reformën në Sistemin e Drejtësisë.
