Një aksident tragjik ndodhi të dielën në fshatin Kakavec të bashkisë së Përrenjasit kur një granatë e vjetër ka shpërthyer aksidentalisht duke plagosur tre persona, dy gra dhe një burrë që hasën rastësisht në të ndërsa po punonin tokën.
Policia njoftoi se ngjarja ndodhi në mesditë, ndërsa të lënduarit ishin Olsi Elezi, Yllka Bishtogu dhe Viturie Bishtogu. Policia bëri me dije sa ata ishin duke punuar tokën me bel. Bashkëshortët e dy grave ishin po ashtu duke punuar në arë, por nuk kanë pësuar lëndime. Policia bëri me dije se tre personat ishin plagosur në gjymtyrët e poshtme dhe janë transportuar menjëherë në spital dhe ndodhen jashtë rrezikut për jetën.
Ngjarje të tilla nuk janë të rralla në Shqipëri pasi municionet e braktisura nga grabitja e depove të ushtrisë në vitin 1997 kanë shkaktuar herë pas here aksidente tragjike, duke iu marrë jetën shumë personave të pafajshëm. Në vitin 2019, një fëmijë 11-vjeçar humbi jetën në Bulqizë, ndërsa motra e tij u plagos. Në të njëjtin vit, një 16-vjeçar u plagos rëndë në Pogradec. Shembuj të tjerë të ngjarjeve të tilla kanë ndodhur në të kaluarën, ku armë luftarake të braktisura kanë shkaktuar aksidente tragjike.
