Kolegji i Posaçëm i Apelimit, KPA njoftoi mbrëmjen e të hënës më 25 shtator vendimin për lënien në fuqi të shkarkimit nga detyra të gjyqtares së Tiranës, Rezarta Balliu.
Vendimi u mor në mënyrë unanime nga trupi gjykues i KPA i kryesuar nga Albana Shtylla, me relatore Natasha Mulaj dhe anëtare Ina Rama, Mimoza Tasi e Rezarta Schuetz, pas shqyrtimit në dhomë këshillimi të ankimit të Balliut ndaj vendimit të Komisionit që e shkarkoi për probleme të pasurisë.
Rezarta Balliu (Vigani) e nisi karrierën në sistemin e drejtësisë në vitin 2000 dhe e ushtroi funksionin prej dy dekadash në Gjykatën e Rrethit të Tiranës.
