Policia e Shtetit njoftoi të premten se Sektori i Forcës së Pocaçme për Operacionet Speciale dhe Kërkimin kishte arrestuar një 30-vjeçar i akuzuar se ka kryer mashtrim kompjuterik. “Si rezultat i këtij operacioni, u ndalua shtetasi 30 vjeçar M.D në kërkim, banues në Tiranë”, shkruhet në njoftimin zyrtar të Policisë së Shtetit.
Tridhjetë vjeçari ishte shpallur në kërkim në dhjetor 2022 me masën e sigurisë “Arrest në burg” nga Gjykata e Posaçme për Korrupsionin dhe Krimin e Organizuar (GJKKO), me akuzën për “Mashtrim Kompjuterik” kryer në bashkëpunim, në formën e grupit të strukturuar kriminal.
Policia thotë se i arrestuari dyshohet të jetë pjesë e një grupi kriminal dhe se mashtrimi për të cilin është ndaluar është kryer në bashkëpunim. “Ky shtetas në bashkëpunim me shtetas të tjerë ka mashtruar shtetas të huaj, duke i bindur të investojnë në kriptovaluta shuma të ndryshme parash, të cilat më pas i kanë përvetësuar”, thuhet në faqen zyrtare të Policisë së Shtetit mbi veprën penale të shtetasit të arrestuar.