Gjyqtari Sokol Shehu i Gjykatës së Shkodrës u përball të enjten më 9 nëntor me Komisionin e Pavarur të Kualifikimit. Procesi i tij i vetingut po kryhet nga trupa e përbërë nga Roland Ilia, Genta Tafa Bungo dhe Suela Zhegu.
Sokol Shehu përfundoi studimet në Shkollën e Magjistraturës në vitin 2012 dhe punoi fillimisht si gjyqtar në Gjykatën e Tiranës. Prej vitit 2014, ai e ushtron funksionin në Gjykatën e Rrethit Shkodër.
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë familjare të gjyqtarit Sokol Shehu nga viti 2011 deri në fund të vitit 2019. [Kliko për skedën në PDF]
Në deklarimin për herë të parë në vitin 2011, gjyqtari Sokol Shehu deklaron pasuri me vlerë 694 mijë lekë, ndërsa në fund të vitit 2019, pasuria e tij kap vlerën e 585 mijë lekëve.
Ai zotëron një automjet me vlerë rreth 258 mijë lekë, likujditete bankare prej 200 mijë lekësh dhe kursime në cash prej 126 mijë lekësh.
Të ardhurat për periudhën deklaruese janë 12 milionë lekë, nga të cilat 76% kanë si burim pagën e tij nga funksioni i gjyqtarit, ndërsa 22% pagat e familjarëve.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Nga kontrolli aritmetik/logjik për 9 vite të deklarimit, asnjë prej deklaratave nuk rezultoi me probleme.
Deklarata Para Fillimit të Detyrës
Deklarata e pasurisë së vitit 2011
Deklarata e pasurisë së vitit 2012
Deklarata e pasurisë së vitit 2013
Deklarata e pasurisë së vitit 2014
Deklarata e pasurisë së vitit 2015
Deklarata e pasurisë së vitit 2016
Deklarata e pasurisë së vitit 2017
Deklarata e pasurisë së vitit 2018
Deklarata e pasurisë së vitit 2019
Për më shumë dokumente vizitoni databazën tonë dokumente.reporter.al
