Kuvendi njofton mbarimin përpara afatit kushtetues të mandatit, “për shkak të mungesës së tij pa arsye për mbi 6 muaj rresht në Kuvend”. “Kjo për arsye se seanca e fundit plenare ku deputeti Arben Ahmetaj ka marrë pjesë është data 6 korrik 2023”- thuhet në shkresën e Kuvendit për KQZ-në.
Ahmetaj ka një karrierë të gjatë në Partinë Socialiste dhe ka shërbyer si ministër i Financave, Rindërtimit dhe si zëvendëskryeministër në qeverinë e drejtuar nga Edi Rama.
Emri i tij u përfshi në hetimet për dhënien nga qeveria të 3 kontratave qindra-milionë euro për ndërtimin e inceneratorëve, një hetim që ka çuar pas hekurave disa zyrtarë të tjerë të lartë, një ish-ministër dhe një ish-deputet të PS-së.
Prokuroria e Posaçme (SPAK) kërkoi arrestimin e tij dhe Kuvendi e miratoi kërkesën më 14 korrik 2022, por Ahmetaj iu shmang përballjes me drejtësinë dhe ndodhet jashtë Shqipërisë.
Ai ka pasur një karrierë të gjatë politike me PS-në dhe ka shërbyer si zëvendëskryeministër dhe ministër në disa pozicione kyçe të qeverisë socialiste nga 2013 deri 2022 nën drejtimin e kryeministrit Edi Rama.
Hetimi i prokurorisë kundër ish numrit dy të qeverisë “Rama” zbuloi prona dhe investime të padeklaruara të tij në dy dekada si dhe pagesa të tërthorta të marra nga biznesmenët e inceneratorëve me vlerë 491 mijë euro si dhe një vilë në Hamallaj.
Pas njoftimit për vakancën, KQZ pritet të marrë vendim për zëvendësimin e Ahmetajt nga lista shumëemërore e Partisë Socialiste.
