Prokuroria e Posaçme kundër Korrupsionit dhe Krimit të Organizuar, SPAK njoftoi të premten më 29 mars sekustrimin e pasurive të dy personave të akuzuar nga drejtësia gjermane për trafik ndërkombëtar të kokainës prej vendeve të amerikës latine, një prej të cilëve me shtetësi kosovare. Hetimi pasuror ndaj shtetasit kosovar, Princ Dobroshi dhe bashkëpunëtorit të tij, Olsi Syziut ka filluar në fund të muajit shkurt. SPAK sqaron se këta persona kanë lidhje krushqie me njëri-tjetrin, pasi Princ Dobroshi ka lidhur martesë më motrën e Olsi Syziut.
Në njoftim thuhet se Dobroshi po hetohet nga drejtësia gjermane, pasi gjatë vitit 2020, së bashku me persona të tjerë, kishin planifikuar dhe kanë transportuar sasira të konsiderueshme lëndësh narkotike të llojit kokainë, nëpërmjet rrugës detare nga Amerika e Jugut për në Gjermani. Po ashtu, evidentohet se nga mediet është mësuar se Dobroshi në vitin 1993, ishte kapur dhe ishte dënuar në Norvegji me 14 vjet burg për trafikim të heroinës.
Syziu akuzohet po ashtu për trafikim të kokainës dhe shpërndarje të lëndëve narkotike në Gjermani.
BKodra e azuar në kërkesën e SPAK, gjykata respektive ka vendosur sekuestrimin e disa pasurive të luajtshme dhe të paluajtshme Dobroshit dhe Syziut, si dhe të personave të lidhur me ta. Konkretisht, janë sekuestruar dhejtë llogari bankare me gjendje totale 133 mijë euro; godinë banimi në Gjirin e Lalzitme dy kate + verandë, me sipërfaqe të përbashkët 576 m2; dy apartamente në rezidencën “Kodra e Diellit” në Selitë të Tiranë; një apartament dhe dy parkime tek zona e quajtur “Liqeni i thatë” në Tiranë; një automjet dhe shoqëria tregtare “SLAI”, me ortak të vetëm Olsi Syziun.