Dy qytetarë të Tiranës u vunë në pranga nga Policia e Shtetit ditën e djeshme për falsifikim kompjuterik dhe shtrëngim me anë të kanosjes për dhënien e pasurisë.
“Këta dy shtetas në bashkëpunim me njëri-tjetrin, kanë kanosur nëpërmjet celularit një 40-vjeçare për dhënien e shumës dy mijë Euro, që të fshinin disa foto intime të saj nga rrjeti social Tik Tok”, shkruan njoftimi i Policisë së Shtetit në faqen zyrtare në Facebook.
Vetëm gjatë vitit që lamë pas, Policia e Shtetit ka regjistruar mbi një mijë vepra penale në fushën e krimeve kibernetike.
Lidhur me rastin në fjalë, policia njofton se prokuroria po vijon hetimet mbi episodin e denoncuar.
“Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme “, shkruan policia.
