Sipas Komisionit Qendror të Zgjedhjeve të gjitha forcat politike kishin dorëzuar dokumentacionin e plotë, duke nisur nga vërtetimi i lëshuar nga Zyra e Regjistrit të Partive Politike, pranë Gjykatës së Rrethit Gjyqësor e deri te deklarata e angazhimit solemn me firmën e kryetarit të partisë.
Në bazë të këtij vendimi, zyrtarisht parti garuese deri më tani janë: Nisma Thurje; Lëvizja Bashkë; Lëvizja Shqipëria Bëhet; Partia Mundësia; Partia Demokristiane e Shqipërisë; Partia Lëvizja e Legalitetit; Partia Kristian Demokrate e Shqipërisë; Partia Kombëtare Konservatore Albania; Partia Demokratike; Partia Aleanca Demokristiane e Shqipërisë; Partia Balli Kombëtar Demokrat; Partia Bashkimi Demokrat Shqiptar; Partia Balli Kombëtar; Partia e Lirisë dhe Partia Socialiste e Shqipërisë.
Shumica e partive politike kishin zgjedhur që të mos dërgonin përfaqësuesit e tyre në këtë mbledhje, ku vetëm përfaqësuesit ligjor të PS dhe PD ishin të pranishëm.
Komisioni Qendror i Zgjedhjeve pritet që në ditët në vijim të mblidhet sërish, pasi afati për regjistrim nuk ka përfunduar ende dhe në zyrën e Celibashit kanë mbërritur kërkesa të tjera.
