Kolegji i Posaçëm i Apelimit, KPA, njoftoi të martën më 16 dhjetor 2025 se ka vendosur të lërë në fuqi vendimin e Komisionit të Pavarur të Kualifikimit për subjektin e rivlerësimit, Xhevahir Lita. Vendimi u mor në dhomë këshillimi nga një trupë gjykuese e kryesuar nga Albana Shtylla, me relator Sokol Çomon dhe anëtare Ina Ramën, Mimoza Tasin dhe Rezarta Schuetz.
Sipas njoftimit zyrtar të Kolegjit, trupi gjykues shqyrtoi ankimin e Litës kundër vendimit të KPK-së të shtatorit 2024, i cili kishte vendosur shkarkimin e tij nga detyra.
“Trupi gjykues, bazuar në nenin 66 të ligjit nr. 84/2016, në mënyrë unanime, vendosi lënien në fuqi të vendimit të Komisionit të Pavarur të Kualifikimit,” citohet në njoftimin e KPA-së.
Xhevahir Lita u përball me procesin e vetingut pas një karriere të gjatë në sistemin e prokurorisë, por emri i tij u bë publik gjerësisht pas arrestimit në kuadër të operacionit “Metamorfoza”. Ai u akuzua nga Prokuroria e Posaçme (SPAK) për korrupsion dhe bashkëpunim me grupe kriminale, duke përdorur pozicionin e tij si prokuror për të favorizuar persona me rrezikshmëri të lartë shoqërore.
Gjykata e Posaccme e gjeti fajtorë Litën për veprën penale të korrupsionit në dy episode dhe zbulim të akteve sekrete. Lita u dënua në nëtor me 5 vjet heqje lirie në total dhe pas aplikimit të gjykimit të shkurtuar me 3.4 vjet burg. Gjykata urdhëroi gjithashtu shuarjen e masës “arrest me burg” për shkak të shlyerjes së dënimit me kohën e paraburgimit.
