Gjykata e Posaçme e Shkallës së Parë shpalli të enjten më 2 prill vendimin për deklarimin fajtor të të pandehurit Marim Leka për veprën penale “Korrupsion I aktiv në zgjedhje”, si dhe dënimin e tij me 1 vit e 9 muaj burgim që në aplikim të gjykimit të shkurtuar u reduktua në 1 vit e 2 muaj heqje lirie. Vendimi u mor nga trupi gjykues i ërbërë nga gjyqtarët Engjëllushe Tahiri, Atalanta Zeqiraj dhe Besmir Stroka.
Marim Leka u arrestua në prill të vitit të kaluar, para mbajtjes së zgjedhjeve të përgjithshme më 11 maj, pasi i kërkoi dhe mori shtetasit M.T. më banim në Lushnjë, kartën e identitetit kundrejt premtimit për t’i dhënë 50 mijë lekë me qëllim për të votuar në favor të një subjekti politik. Pasi çështja u hetua nga Prokuroria e Fierit, u transferua për kompetencë pranë SPAK.
Gjykata ka vendosur që një CD me përmbajtje bisedat ambjentale të zhvilluara mes të dënuarit dhe shtetasit M.T., të asgjesohen pasi vendimi të marrë formë të prerë.
