Ndërsa Mali i Zi njoftoi synimin të lejojë martesat e çifteve me të njëjtin seks, opozita pro-Serbe reagoi e zemëruar, duke e quajtur nismën ‘një turp’
Qeveria e Malit të Zi njoftoi të hënën se ky vend do të lejojë martesat e të njëjtit seks në një të ardhme të afërt.
Jovan Kojicic, Këshilltar për të Drejtat e Njeriut pranë kryeministrit, tha se Mali i Zi po harton kuadrin ligjor për të lejuar çiftet e të njëjtës gjini të legalizojnë marrëdhënien e tyre së shpejti.
Këshilltari i kryeministrit Milo Gjukanoviç beson se ka një shumicë në parlament më favor të një ligji të tillë.
“Procesi i hartimit të ligjit do të vijojë aq sa ne e kemi planifikuar në strategjinë e qeverisë për LGBT, pra jo më vonë se sa viti 2018,” tha ai sipas lajmeve të publikuara nga media e Malit të Zi.
Ndërsa grupimet e të drejtave të njeriut mikpritën njoftimin, grupimi më konservator i partive opozitare pro-Serbe e kritikoi propozimin.
Partia Nova në opozitë e cilësoi planin “të turpshëm dhe shkatërrues të vlerave tradicionale dhe morale.”
“Dy parada gej të zhvilluara [këtë vit] në Budva dhe Podgoricë sakaq kanë shkaktuar dëme të mjaftueshme dhe çfarëdolloj lëvizjeje e re e tillë synon të çojë Malin e Zi drejt turpit dhe imoralitetit klasik,” tha partia në një deklaratë.
Organizata jofitimprurëse vendëse LGBT Forum Progres, nga ana tjetër, tha se legalizimi i martesave gej mund të përmirësojë ndjeshëm pozicionin e bashkësisë së vogël gej të Malit të Zi.
Organizata akuzoi gjithashtu partinë Nova për “propagandimin e hapur të mungesës së tolerancës” dhe për përkeqësimin e bashkësisë sakaq të margjinalizuar LGBT në Malin e Zi.
Raporti i fundit i Progresit i Komisionit Europian mbi Malin e Zi tha se gjuha e urrejtjes dhe dhuna kundër dejve në Malin e Zi është rritur që nga parada e korrikut, duke demonstruar “një nivel të lartë homofobie në vend”.
Gjithsesi, ndryshe nga situata në Serbinë fqinje, autoritetet në Malin e Zi kanë dhënë mbështetje të plotë për bashkësinë gej dhe të drejtën e tyre për të zhvilluar parada publike.
