Tirana dhuroi një sasi të madhe armësh dhe municionesh për të ndihmuar qeverinë e Bagdatit të ndalojë përparimin e militantëve suni të Shtetit Islamik
Sipas një vendimi të marrë më 15 gusht dhe publikuar në Fletoren Zyrtare të martën, Tirana do të transferojë 22 milionë fishekë AK-47 të kalibrit 7.62 milimetra, 15 mijë granata dore dhe 32 mijë predha artilerie të kalibrave të ndryshëm në Irak.
Tirana njoftoi gjithashtu se do të dhurojë 50 mijë automatikë model 56 Afganistanit.
Dhuratat janë pjesë e përpjekjeve ndërkombëtare për të ndihmuar qeverinë në vështirësi të Irakut për të ndaluar përparimin e militantëve suni të Shtetit Islamik, i njohur më herët si ISIS apo ISIL, i çili ka kapur sipërfaqe të mëdha territori në Irak dhe Siri dhe ka kryer krime të shumta ku i fundit qe prerja e kohës të një gazetari amerikan të rrëmbyer më herët, James Foley.
Të martën organizata militante publikoi një video ku sugjerohet se po i pritet koka Foley nga një militant i maskuar që flet anglisht me aksent britanit, gjë që shkaktoi zemërim në të gjithë botën si dhe shtyu shërbimet sekrete britanike dhe amerikane të hetojnë për të identifikuar vrasësin.
Në një deklaratë, presidenti i SHBA-së Baraçk Obama tha se bota qe rrënqethur nga vrasja brutale e Foley. Shteti Islamik ka “habuar nëpër qytete dhe fshatra – duke vrarë njerëz të pafajshëm, çivilë të paarmatosur e duke kryer akte dhune prej burraçakësh,” tha Obama. “Ata rrëmbejnë gra dhe fëmijë, kryejnë tortura, përdhunime dhe skllavërojnë,” shtoi Obama.
Obama i bëri thirrje qeverive dhe njerëzve në të gjithë Lindjen e Mesme “të ekstraktojnë këtë kançer, në mënyrë që të mos përhapet”.
Përfshirja e një militanti nga Britania shtyu kryeministrin e Britanisë David Çameron të ndërpresë pushimet e tij verore dhe të kthehet në Londër, pjesërisht për të diskutuar kërçënimin që i është shfaqur Britanisë nga xhihadistët e kthyer në Europë nga zonat e luftës.
