Ministrat e ekonomisë dhe financave të Ballkanit që u takuan në Berlin ranë dakord që vendet e tyre duhet të zgjidhin në mënyrë të përbashkët problemet ekonomike të rajonit
Vladimir Pesevski, zëvendëskryeministri i Maqedonisë dhe ministër për çështjet ekonomike tha se vendet e rajonit duhet të fillojnë të punojnë sëbashku dhe të bazohen te fuqitë e veta për të zgjidhur problemet aktuale ekonomike, të rrisin punësimin dhe tregtinë si dhe të përmirësojnë klimën e përgjithshme të biznesit.
“Ne duhet të ndalojmë të bazohemi në këshilltarë të BE-së për çdo gjë dhe të fillojmë të mendojmë për nivelin vendor. Ne duhet të bazohemi te bashkëpunimi rajonal dhe te vetvetja,” i tha Pesevski takimit të udhëheqësve të Ballkanit në Berlin, i cili po bëhet nën mikpritjen e kancelares së Gjermanisë Angela Merkel.
Dusan Vujovic, ministri i ekonomisë dhe financave të Serbisë, qe dakord që vendet e rajonit duhet të fillojnë të punojnë sëbashku në projektet madhore infrastrukturore të tilla si hekurudha dhe autostrada.
“Ne duhet të përfundojmë lidhjet që filluam të ndërtojmë 60 vjet më parë,” tha Vujovic.
Goran Svilanovic, Sekretari i Përgjithshëm i Këshillit të Bashkëpunimit Rajonal. RÇ, tha se e vetmja mënyrë që vendet e Ballkanit të thithin fonde për projekte madhore infrastrukturore qe që të bashkëpunonin ngushtë sëbashku.
“Vendet e Ballkanit nuk mund të financojnë projekte tepër të mëdha me burimet e veta dhe e vetmja mënyrë që këto vende të marrin fonde është që të punojnë sëbashku,” tha Svilanovic, duke shtuar se bashkëpunimi rajonal qe i nevojshëm për të rritur tregtinë dhe punësimin në përgjithësi.
“Vendet në rajon duhet të mundësojnë rritje të shpejtë të mallrave dhe shërbimeve,” shtoi Svilanovic.
Ministrat e rajonit theksuan nevojën për investime të reja të huaja dhe për praninë e investitorëve gjermanë në rajon.
“Ne kemi nevojë për një ndryshues loje… dhe ndryshuesi i lojës sillet nga investimet e huaja,” tha Arben Ahmetaj, ministër i Ekonomisë të Shqipërisë, duke shtuar se vendet e Ballkanit nuk mund të zhvillohen duke krijuar borxhe të reja.
Udhëheqësit e Ballkanit gjendeshin në Berlin për një konferencë mbi perspektivën ekonomike dhe prespektivën Europiane të Ballkanit Perëndimor nën patronazhin e Gjermanisë.
Konferenca uli të të njëjtën tryezë politikanët më të lartë nga Gjermania, BE-ja dhe Ballkani.
Samiti përbëhej nga tri pjesë. Ndërsa ministrat e ekonomisë të rajonit u takuan me Sigmar Gabriel, ministri i ekonomisë së Gjermanisë dhe Günther Oettinger, zëvendëspresidentin e Komisionit Europian, ministrat e jashtëm takuan Frank-Ëalter Steinmeier, ministrin e jashtëm të Gjermanisë dhe Stefan Fule, Komisionerin Europian të Zgjerimit.
Merkel dhe José Manuel Barroso, president i Komisionit Europian, patën një takim me krerët e shteteve të Shqipërisë, Bosnjës, Kroacisë, Kosovës, Maqedonisë, Malit të Zi, Serbisë dhe Sllovenisë mbi reformat strukturore, sundimin e ligjit dhe luftën kundër korrupsionit.
Ideja është që konferenca e Ballkanit të bëhet një ngjarje e përvitshme ku takimi i rradhës do të zhvillohet në Austri më 2015.
