Një raport i Ministrisë së Brendshme thotë se Bullgaria gjendet në një luftë informative me Rusinë për shkak se Kremlini përpiqet të rifitojë ndikimin e humbur mbi ish bllokun sovjetik
Një raport i Ministrisë së Mbrojtjes së Bullgarisë i titulluar, “Parashikimi 2020: Bullgaria dhe NATO në Mbrojtjen Europiane”, i publikuar në faqen e internetit të ministrisë, thotë se vendi përballet me kërcënime për “luftëra hibride, varësi energjetike, propagandë Ruse, shtete të dështuara, terrorizëm dhe emigrim”.
“Propaganda aktive dhe totale e politikave ruse, veçanërisht me ndërmjetësimin e entiteteve ekonomike dhe politike bullgare, mediave dhe organizatave joqeveritare, është një luftë e hapur informacioni, që cenon integritetin e institucioneve dhe të shtetit dhe sulmon drejtpërsëdrejti vlerat demokratike kombëtare, frymën dhe vullnetin”, shkruhet në raport.
Raporti, i prezantuar nga ministri i përkohshëm i mbrojtjes i Bullgarisë, Velizar Shalamanov, do të prezantohet nga presidenti Rosen Plevneliev dhe ministri Shalamatov në samitin e NATO-s në Uells më 4 dhe 5 shtator.
Raporti thotë se lufta propagandistike shkaktohet nga ambiciet afatgjata të Rusisë për të rifituar ndihimin në ish bllokun Sovjektik si dhe nga situata në Ukrainë.
Marrëdhëniet e Bullgarisë me Rusinë janë përkeqësuar gjatë muajve të fundit si pasojë e vendosjes së këtij vendi në mes të përplasjeve mes BE-së dhe Moskës nga ngjarjet në Ukrainë.
Si një vend anëtar i BE-së, Bullgaria nuk ka opsion tjetër veçse të bashkohet me sanksionet e vendosura mbi Rusinë si pasojë e ndërhyrjes së perceptuar të Kremlinit në çështjet e brendshme të Ukrainës dhe mbështetjes për separatistët pro-Rusë në lindje të vendit.
Raporti thekson gjithashtu planet për reformim dhe modernizim të forcave të armatosura të Rusisë. Sipas planit, 2 për qind e PBB-së duhet të vendoset mënjanë për mbrojtjen çdo vit deri në vitin 2020, nga të cilat, 10-15 për qind duhet të shpenzohen për të blerë armatime të reja.
