Një seri shpërthimesh në fabrikën e municionit Gorni Lom në Bullgari të mërkurën, e ka shkartuar tërësisht atë dhe dyshohet se ka shkaktuar një numër të madh viktimash.
Shpërthimet shkatërruan të gjithë fabrikën e cila po përdorej për të shkatërruar mijëra mina kundër personelit dhe kundërtank të ushtrisë Greke.
Sipas radios kombëtare Bullgare mbeturinat nga shpërthimi janë gjetur qindra metra larg nga fabrika, ndërkohë që shpërthimet kanë vazhduar për disa orë.
Të mërkurën grupet e shpëtimit nuk kishin arritur të hynin në fabrikë, ndërkohë që përdorën mjete fluturuese pa pilot për ta vëzhguar atë.
Në mes të humburve janë djali i pronarit të fabrikës, drejtori i fabrikës dhe shefi i prodhimit.
Sipas raportimeve të medias lokale tre gra që ishin para hyrjes së kompleksit në kohën e shpërthimit janë plagosur rënde.
Një inspektim i mëparshëm i fabrikës më 15 shtator kishte paralajmëruar që standardet për magazinimin dhe prodhimin e municioneve nuk ishin arritur.
Ky është aksidenti i tretë serioz në të njëjtën fabrikë që nga 2007, dhe më vdekjeprurësi.