Mali i Zi, Kosova dhe Shqipëria po përgatiten të firmosin një marrëveshje trepalëshe që do shënojë pikëtakimin e tre kufijve.
Ministri i Brendshëm i Malit të Zi tha për BIRN të martën se një marrëveshje historike në pikën e takimit të kufijve të tre vendeve të Ballkanit do të nënshkruhet sapo qeveritë e shteteve të caktojnë një datë.
Marrëveshja, që u propozua nga Mali i Zi, synon të zgjidhë pjesërisht një mosmarrëveshje për kufirin mes Malit të Zi dhe Kosovës që ka zgjatur që prej vitit 2011.
“Arritja e një marrëveshje mes Malit të Zi, Shqipërisë dhe Kosovës do të kontribuojë në zhvillimin e marrëdhënieve të mira të fqinjësisë, stabilitetit dhe bashkëpunimit në rajon,” tha ministri.
Pikëtakimi i përbashkët i kufirit është sinjifikuar nga një piramidë trekëndëshe, ku çdo anë mban emrin e shtetit që është në drejtim të saj.
Caktimi i kufirit mes Malit të Zi dhe Shqipërisë përfundoi në vitin 2009, por dy vende që mbulojnë rreth 6000 akra mbeten mollë sherri mes Kosovës dhe Malit të Zi.
Të dy vendet pretendojnë për vendin dhe 12 takimet mes Malit të Zi dhe Kosovës nuk kanë arritur një përfundim.
Kosova dhe Mali i Zi filluan konsultimet për nënshkrimin e një marrëveshje për caktimin e kufirit në vitin 2011. Mali i Zi kufizohet 79 kilometra me Kosovën, në verilindje.
Pas dy vitesh bisedime, Kosova dhe Mali i Zi do të firmosnin një marrëveshje në mars, por e shtynë pa dhënë shpjegime.
Këto dy vitet e fundit, banorët në fshatrat kufitarë pranë qytetit perëndimor të Kosovës, Pec, kanë protestuar në disa raste për kufirin e paqartë.
