Pas ashpërsimit të dënimeve për krimet e seksit ndaj minorenëve, shefat e burgjeve maqedonase po peshojnë idenë e një ndërtese të veçuar për pedofilët e dënuar – pjesërisht për sigurinë e tyre.
Kreu i Drejtorisë së Sanksioneve të Maqedonisë, zyra në krye të burgjeve, Lidija Gavrilovska, tha se ata po mendonin për ndërtimin e një burgu të veçuar për pedofilët – pas kontrolleve që do sigurohen se kjo shkon në sinkron me standardet e Bashkimit Europian.
“Këta persona duhet të ndahen, që skuadrat që punojnë me ta të specializohen ngushtësisht në këtë drejtim dhe për të rritur sigurinë e këtyre lloj të burgosurish,” tha Gavrilovska në media.
Gavrilovska tha se këshillimi psikologjik ishte i ofruar për pedofilët në burg por nuk kishte trajtim kompensim ri-socializimi.
Psikologët i thanë BIRN se ideja e ndarjes së të burgosurve të tillë është e drejtë. “Këta persona vuajnë nga çrregullimet psikologjike të personalitetit – kanë pak gjëra të përbashkëta me personalitetet kriminale të zakonshme – dhe duan trajtim më të përkushtuar dhe më të shpesh se të burgosurit e tjerë,” tha një psikolog burgu për BIRN.
Burgjet maqedonase përmbajnë 155 persona të dënuar për krime seksuale me minorenet. Tetëdhjetë u burgosën për ngacmim të fëmijëve nën moshën 14-vjeçare, tregojnë statistikat.
Që nga prezantimi i dënimeve më të ashpra për pedofilët në shkurt, vetëm një për qind kanë marrë dënimin maksimal, atë të përjetshëm. Dënimet për krime të tilla variojnë nga një minimum prej 5 vjetësh në burgim të përjetshëm.
Në fillim të këtij viti, Maqedonia u bë i pari vend në Ballkan që prezantoi kastrimin me substanca kimike të kriminelëve të përhershëm. Procesi, që do të zbatohet, do t’i japë ilaçe shkelësve të vazhdueshëm të ligjit për të ulur dëshirat e tyre seksuale.
Një tjetër risi e prezantuar në 2012, lançimi i një regjistri online të pedofilëve, o tërhoq prej kundërshtimit të aktivistëve të të drejtave të njeriut.
Ministria e Punës dhe Çështjeve Sociale këmbënguli se do të përmirësonte sigurinë e fëmijëve. Por Komiteti Maqedonas i Helsinkit për të Drejtat e Njeriut shprehu frikën se emërtimi dhe turpërimi i pedofilëve do t’i nxiste njerëzit të merrnin ligjin në duart e tyre.
Kushtet e të burgosurve maqedonas janë kritikuar vazhdimisht nga avokati i popullit, po ashtu edhe nga Komisioni Europian që është ankuar për mbipopullimin dhe aksesin e dobët të ndihmës mjekësore dhe psikologjike.
