Protestuesit kanë bërë thirrje që ministri i shëndetësisë të marrë përgjegjësinë për shpërthimin e infeksioneve në pavijonin e maternitet, gjë që ka marrë jetën e një foshnje të porsalindur.
Disa dhjetëra malazezë protestuan të hënën në kryeqytetin e vendit, Podgoricë, duke kërkuar dorëheqjen e ministrit të shëndetësisë për vdekjen e një foshnje, gjë që sipas tyre ndodhi sipas kushteve të këqija të pavijoneve të materniteteve përgjithësisht në vend.
Protesta u organizua nga Cikli i Jetës, një OJQ, dhe organizatat e grave të opozitës Lëvizja për Ndryshim.
Protesta u bë pas pretendimeve të medias se pesë bebe ishin infektuar së fundmi me një virus vdekjeprurës në një spital në qytetin e Bijelo Polje, një prej të cilëve vdiq të dielën.
Babai i një prej të porsalindurve të infektuar, Predrag Karisik, tha për median të hënën se doktorët kishin konfirmuar se bebet kishin infektim të përgjithshëm të shkaktuar nga një infeksion.
Pasi skandali u raportua të dielën, ministri i shëndetësisë, Miodrag Radunovic, largoi drejtuesin e pavijonit të maternitetit në Bijelo Polje. Të hënën, drejtori i spitalit, Tomislav Jeremic, dha dorëheqjen për çështje morali.
Prokuroria e shtetit tha se kishte hapur një hetim për të përcaktuar përgjegjësinë për infeksionet në pavijonin e maternitetit.
Si Partia Demokratike e Socialistëve DPS në qeveri, ashtu edhe partitë e tjera opozitare kërkuan një seancë urgjente dëgjimore në parlament të ministrit të shëndetësisë Radunovic, duke nxitur autoritetet që të gjejnë përgjegjësit e pasojave të tilla serioze.
Një raport i UNICEF-it mbi pavijonet e maternitetit shtetëror të Malit të Zi, i publikuar në 2013, tha se cilësia e kujdesit për nënat, të porsalindurit dhe fëmijët në Malin e Zi ishte shpesh poshtë standardeve, veçanërisht kur bëhej fjalë për informimin, komunikimin, konfidencialitetin dhe kujdesin holistik për nënat dhe fëmijët.
